Кинав чидай лъугьина?

Цо сон хутIун буго

ЦIали лъугIизе,

Дунги ина къокъун

Къункъраби гIадин.

Эбел-эмен тела,

Росу-ракь тела,

БатIияб бакIалда

Гьабила рещтIен.

ГIемерав ургъула,

Пикру гьабула,

Щиб къисматдай

Бугеб дий Аллагьас хъван.

Кьибил-тухумалъе,

ЖамагIаталъе,

Хайир бугев чидай

Лъугьине вугев?

Нухда дандчIваразги,

Салам кьоларев

ЯхI гьечIев чилъундай

ХутIизе вугев?

Гьел суалал дийго

ГIемерал кьола,

Жавабги дицаго

Кьола диего.

ЛъикIабги квешабги

БатIа бахъизе,

Аллагьас гурищ дий

ГIакълу кьун бугеб.

Кьибил-тухумалда,

Эбел-инсуда

ЧIегIераб тIанкI лъезе

Теларо дица.

Аллагь разилъулеб,

Кьибил бохулеб,

ГIаданлъун вахъина,

Ин ша Аллагь дун.

МухIаммад Мусаев, Шамил район, ХIебда росу, 8 класс