ЧIахъаги, «Ас-салам»
Жиб-жиб рокъобе щолеб
Шагьрил моцIрол нур гIадаб.
ГIаламалъе хIажатаб,
ЧIахъаги мун, «Ас-салам».
АнцIила цо мацIалда
КъватIибе жиб биччалеб.
Чара гьечIеб мугIалим,
ЧIахъаги мун, «Ас-салам».
Иман-ислам малъулеб,
Мунагьазде нух къалеб.
АхIмад-хIажил баракат,
ЧIахъаги мун, «Ас-салам».
ГIурус ракьалда тирун
Халкъ бусурбан гьабулеб.
ГьечIого жиб гIолареб,
ГIажаибаб «Ас-салам».
Щибаб рукъалъул агьлу
Исламалде ахIулеб.
ГIелмуялъул жиб цIураб,
ЦIар рагIараб «Ас-салам».
Бакъул чIорлъун жиб щолеб
Щибаб бецIаб бокIниде.
КIвахI гьечIого къеркьолеб,
Къуват бугеб, «Ас-салам».
Кибго дагIват гьабизе
Гьунар жиндир кIудияб.
ХIуруфазулъ нур бугеб,
Баркат бугеб «Ас-салам».
МоцIрое кIиго нухалъ
Халкъалъухъе жиб щолеб.
Жаниб месед бекьараб,
Барка нилъер, «Ас-салам»
