ГIабдулжалил-афанди (къ.с.)

ГIабдулжалил-афанди (къ.с.)

Зодисан бачIунеб илагьияб нур,
Иман загIипазул рекIелъ рещтIине.
Ракьулъан баккараб рахIматалъул ицц,
Къечараз гьекъани Алжан бихьулеб.

Нижер талихIалде рагьараб нуцIа,
Рагьун жанив щварав рекIекълъулареб.
Нижер гIумруялде баккун щвараб бакъ,
Къимат тIадегIанас сайгъат гьабураб.

Мун нижер хирияв, рухIияв Эмен,
Аман дуе анищ нижерги гIумру!
Даруяб пихъ кьолеб кьалбал гIарцул гъветI,
Аман даим анищ мун гьаб ракьалда.

ГIурччинлъи баккидал ракь берцинлъула,
РакI дуца къачIайдал гIумру гвангъула.
ЦIваби хадур цIазе моцI къваригIуна,
Къамарлъун вуго мун муридзабазе.

ГIумру халалъаги, хирияв муршид!
Чорокаб напсалъе гIадлу гьабизе.
Сахлъи щулалъаги, вокьулев устар!
Унтарал нижее дару гьабизе.

РАИСАТ БАТАГIАЛИЕВА