КъвакIараб гъветIгIадин чIа
КъвакIараб гъветIгIадин чIа
Исламалъул нухалда хIули гIадин рукIунге,
Къосиналъул гьороца бокьаралъуре пуйзе.
ХIули хвасарлъуларо дагьаб гьури бугони,
Амма питнадул гьурал лахIзаталъги дагьлъичIо.
ТIамах гIадин вукIунге, къвакIараб гъветIгIадин чIа,
Кьалбал гъваридго риччан диналъулъ щулалъизе.
Босе кодобе гIазму, бацIцIадаб гьабе ният,
Аллагь дир къасд вугилан, разилъи тIалаб гьабе.
ЗахIмалъигун къварилъи гьечIого рукIунаро,
Балагь щведал бихьинлъи загьир гьабизе ккола.
УхIудалда Гьинд гIадин, бихьинал тIурулаго
Ханжар босарай кодоб, гьелъукьагIаги неча.
Исламалъул нухалда хIули гIадин рукIунге,
ТIубай бачIараб амру, тIад кIалъай гьабичIого.
ХIакъикъатги ккун рукIа, питнаби щай нилъее,
Питнаялъул цIар щвани бацIцIине захIмалъулин.
