Рилълъа, гьудулзаби, росулъе щвезе
Рилълъа, гьудулзаби, росулъе щвезе
Лъимерлъи тӀамураб авал бихьизе,
Рилълъа, гьудулзаби, росулъе щвезе.
ЧӀорого хутӏарал рукъзал рихьизе,
Рилълъа, гьудулзаби, росулъе щвезе.
Умумул къанщарал хобазде щвезе,
Рилълъа, гьудулзаби, росулъе щвезе.
Нилъ гӀемер хьвадараб сухъмахъккун ине,
Рилълъа, гьудулзаби, росулъе щвезе.
ГӀи-боцӀи лъугӏарал мугӀрул рихьизе,
Рилълъа, гьудулзаби, росулъе щвезе.
Дагьалъ гӀодов кӀусун пикру гьабизе,
ГӀоргӀан чвахун унеб гьаб гӀумруялъул.
Ахир кинабдаян хӀисаб гьабизе,
Рилълъа, гьудулзаби, росулъе щвезе.
ЦӀорораб иццул лъим хӀалхьун гьекъезе,
Рилълъа, гьудулзаби, росулъе щвезе.
Умумуз бецараб магъилъе щвезе,
Рилълъа, гьудулзаби, росулъе щвезе.
Хваразул заназда цере кӀусизе,
Рилълъа, гьудулзаби, росулъе щвезе.
