Аслияб гьумералде

ГIумруялъул хIисаб

ГIумруялъул хIисаб
Дун хобазда аскIов гIодовги кIусун,
ГIумруялъул хIисаб гьабула цо-цо.
Цо-цо цере арал цадахъ рукIарал
Гьезул хивалазда хаган ватула.
Хабада эхетун бугеб зонода,
ЦIалулаан цIарал гьудулзабазул.
Гьаб ракьалда дие гIумру кьун арал,
Дир рекIей хириял дол умумузул.
Дир беразда цо-цо ххулула магIу,
ГIумру гьаб щибжойин кьолаан суал.
Жаваб гьазул буго, гьеб гIумру бугин
ГIоралъ бачун унеб бортараб тIамах.
ТIокIалъ батулареб, нахъбачIин гьечIеб
Гьабулеб макьу гьеб - дур гIолохъанлъи.
ГIумруялъ гуккизе, воре чIогейин
Гьабула насихIат занабаз дие. 
Дун нахъе къокъуна ракIги къварилъун,
Къваридаб лахIду дир даимаб рукъин.
Къудратасда цеве чIолеб доб къоялъ
Дирго гьаб черхалъе щибдай ккелебин.

ИБРАГЬИМ МУХIАММАДОВ

2026-04-15 (Зул къагIида 1447 с.) №8.


Аварагасул ﷺ асараздасан

Авараг ﷺ мисал босулев чи вукIиналъ, асхIабзабаз Аварагас ﷺ хIалтIизарулел рукIарал алаталцин рехсана. Ибну Асирица баян гьабуна стакан гьоркьохъеб кӀодолъиялъул букӀанин, я гьитӀинаб, я кӀудияб гуреб. Аварагасе ﷺ бокьулаан алатазда хасал цӀарал лъезе, стаканалда цӀарги лъуна «Раян» абун. Гьесул...


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


Бахиллъиялъул зарал

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...