Балагьазде сабру

Мароккоялда ракь багъарана

ЦерегIанго къоязда Мароккоялда ракь багъарана. Гьелъул хIасилалда 3000-гIанасев чи Аллагьасул ﷻ къадаралде щвана ва 5000-ялдаса цIикIкIун чиясе заралги ккана.

Нилъер гIумруялда жаниб хIалбихьиял ва балагьал тIаса унаро. Щивав чиясда захIмалъаби рихьичIого рукIунаро. ТIадегIанав Аллагьасги ﷻ Къуръаналда абун буго (магIна): «ГIадамазда ракIалдайищ кколеб бугеб жидеца иман лъунин абураб рагIи абидал, жал щибго питна-къварилъи гьабичIого телин абун. Дица хIалбихьи гьабуна гьезда цере рукIарал умматазулги. Аллагьас ﷻ гьелдалъун загьир гьарун лъазарула иманалъулъ ритIухъал гIадамал ва гьединго лъазарула жидеца гьереси бицунел мунапикъзабиги» - ян. (Суратул «ГIанкабут», аят 2)

Кинаб балагь тIаде бачIаниги муъминчиясул гIаламаталдасан буго сабру гьаби. КигIан кIудияб балагь бугониги гьелъулъги Аллагьасул ﷻ рахъалдасан рахIмат букIуна. Балагь тIаде бачIун хваралги шагьидзабилъун рикIкIуна. Абу-Гьурайратица бицана хирияв Аварагас ﷺ абунин: «Щугоял шагьидзабилъун ккола: вабаалъул унтиялъ хварав, чехь унтун хварав, лъелъ гъанкъарав, рукъ биххун гьелда гъоркье ккун хварав ва Аллагьасул ﷻ нухда вагъулаго хварав», - ян. (Бухари)

Хваразул гIагарлъиялъулги, сабру гьабиялдалъун, Аллагьас ﷻ мунагьал чурула, рахIматалги рещтIинарула. СагIид Ал-Худриясдасан бицараб хIадисалда буго: «Бусурбанчиясде кинаб бугониги пашманлъи тIаде бачIани, хIатта заз хIунчаницин, ТIадегIанав Аллагьас ﷻ гьелъухъ кинаб бугониги мунагь чурула», - ян.

Мароккоялъул халкъалде бачIараб балагьги, щаклъи гьечIого, гьезул мунагьал чуриялъе сабаблъун букIина.

Ахираб заманалда гIемерлъулел ругел балагьал, тIоцебесеб иргаялда, щивав бусурбанчиясе жиндирго напсалъул хIисаб гьабиялъе сабаблъун букIине ккола. Инсанасул тIабигIат-гIамалго буго эркенлъиялда гIумру тIамулев вукIаго Аллагь ﷻ рехсей кIочонеб ва тIаде балагьал, захIмалъаби рещтIиндал Аллагь ﷻ ракIалде щун тавбу гьабулеб. Мунагьалде кколарев инсанги вукIунарелъул, рачIа балагьал рещтIинегIан чIечIого, тавбу гьабун Аллагьасде руссине.

Жабир Мажидов

Ливия ва лъел балагь

Ливиялда ккараб къварилъиялъул хIасилалда хвана гIагар-шагарго 20000-гIанасев чи. Дерна шагьаралда букIараб плотина биххун хадуб лъеде гъоркье ккун хвана гьел чагIи.

Дернаялда гьоркьоб буго кIкIал, магIарде цIад байдал, лъим жанисан чвахун унеб. Цебе гьеб кIкIалал рагIалда минаби ралелги рукIинчIо. Амма плотина бан хадуб, кIкIалалда аскIорги минаби разе байбихьана.

ПалхIасил, сордо-къоялъ тIаса босичIого цIад байдал, сангаралда нахъе бакIарараб лъеца гьеб биххизабуна ва лъим шагьаралде кIанцIана.

Аллагьас ﷻ цIунаги балагьаздаса.

Шамил МухIаммадов

2026-08-15 (РабигIул аввал 1448 с.) №16.

Гъуниб районалъул гӀоли-лазул футболалъул лигаялъ тIобитIана росабазул гӀолилазул командабазда гьоркьоб «Футболалъул лига» абураб турнир. Гьелъул аслияб мурадлъун букӀана гӀолилазда гьоркьоб вацлъиялъулаб бухьен щула гьаби, батӀи-батӀиял росабазул гӀадамал цолъизари, цоцаздехун...

ГIемер чиясул гIумруялда жаниб бачIуна цо заман, жинцаго гьабураб гъалатIалъул яги мунагьалъул захIмалъи бичIчIулеб. ГIайиб ва тамихIалдаса хIинкъи къуватаб букIине бегьула, гьелъ хьул къотIиялде рачинеги бегьула. Амма нилъер диналъ тавбуялъул каваби кидаго рагьараллъун руго. Аллагьас ﷻ нилъер...

Муцин абураб улитка гъорлъ бугеб косметика чIужугIаданалъ хIалтIизабизе бегьулищ? ШаргIалда рекъон муцин буго бацIцIадаб жо, ай улиткаялъ жиндаса къватIибе бачIинабулеб лъамалъи. Гьединлъидал, гьелъул гьабураб косметология хIалтIизабизе бегьула, какда цебе чуризеги кколаро. Росасе инчIей...

ХIурматиял бусурбаби, гьале исанаги тIаде щолеб буго жинда жанив хирияв авараг ﷺ гьавураб РабигIул аввал моцI. Гьеб моцIалъ нилъеца кIодо гьавула авараг ﷺ ва гьесул хьвада-чIвади, сират ракIалде щвезабула. Авалалдаса байбихьун гьанжелъизегIанги, бетIералда чIахIиял гIалимзабигун, гIадатиял...

ТIадегIанав Аллагьасде гIагарлъиялъе бищун кIудиял нухазул цояб ккола зикру - Аллагь рехсей. Гьелъ муъминчиясул ракI чIаго гьабула, такъва щула гьабула, БетIергьанасулгун бухьен цIунизе кумек гьабула. Аллагьасул Аварагас ﷺ бусурбабазда малъана зикруялъул батIи-батIиял формаби ва бихьизабуна Аллагь...

Балагьазде сабру