Аслияб гьумералде

ЦIалдолезул пикраби

ЦIалдолезул пикраби

Газеталъул ахирисеб номералда кьун букIана «Гiаммал ифтIарал гIуцIиялда жанир кинал пайдаби нужеда халлъулел?» - абураб суал. Гьелъие рачIарал жавабал кьолел руго гъоркьехун.

ГIаммал ифтIарал гьариялда жаниб буго цоцазда гьоркьоб рокьа-хинлъи, вацлъи цIикIкIин. Хасго кIал ккурав чи кваназавиялъул кири цIакъго кIудиябги буго.

ГIаммал ифтIарал гьариялъул гIемерал пайдаби руго. ТIоцебесеб иргаялда, бечедал гIадамазе рес буго садакъа-хайрат гьабун гIадамал кваназарулел ифтIаразда гIахьаллъи гьабизе. Дида бихьаралдасан буго, иман щулиял, рес бугел гIадамал рамазан моцI байбихьилалдего рачIуна ифтIаралъе къваригIараб цIех-рех гьабун. Цояс пиринчIалъул турпи рачIун, цогидас чамасдакIалъул ящикал рачIун, помидор-охцер щибаб къойил чIезабизе тIад босун, гьекъезе лъим бачIун гIуцIула ифтIарал.

Рамазан моцIалъ нижер тухумалъул гIадат буго цоцазухъе хьвадун гIаммал ифтIарал гьарулеб. ТIубараб соналъ тIаде-гъоркье хьвадизе рес ккечIониги рамазан моцIалъ ифтIарал сабаблъиялдалъун ниж цоцада рихьула. МухIканго абизе кIола, гIагарлъиялда гьоркьоб гьуинлъи цIикIкIинабулин. Гьеб гурищ баракат!? Аллагьас ﷻ киназего кумек гьабеги.

Рокъор кваназе рес гьечIел мискин-пакъирзабазе кIудияб кумек буго гIаммал ифтIаразул.

Дида бичIчIуларо гьабгощинаб гIарацги хвезабун ифтIарал сундуе гьарулел жалали, щиб гьездаса мурад? ЦIакъго къваригIаралъубе хвезабизе лъикI гьечIищ гIарац? РихъизегIан кваназе рачIуна, рачIунгеян, гIемер кванагеян бищунго цIакъ ахIдолел.

ХIурматиял газета цIалулел! ХатIалъуларев инсан вукIунарелъул, бокьилаан газеталда ккараб гъалатI нижеда лъазабуни. Газеталда рорхизе бокьарал суалал, макъалаби, пикраби ратани гьаб 7 988 458 16 63 номералде ахIизе ва хъвазе бегьула.

ГIаммал ифтIараз цоцаде гьуинлъи бижизабула.

Пайда камун букIунеб батиларо, амма гьенире рачIаразул лъабго къоялъ кваназе жо щвечIезул гIадин букIунеб хъантIи бихьидал, гIемер гъираго букIунаро гьениве ине.

ГIаммал ифтIарал гьариялъул мурад буго мискинпакъир гIорцIизегIан кваназави. Дида бихьана нахъе хутIараб тIагIам гьединазухъе цадахъ кьолебги.

БоцIи-малалъулъ гIатIилъи бугесе цоги нухалъ щолеб буго садакъа-хайрат гьабизе.

«КIал ккурасе нужеца гьекъезе лъим яги чамасдакI кьуниги Аллагьас ﷻ нужее гьелъухъ жазаъ гьабула», - ян буго аварагасул ﷺ хIадисалда. Гьединлъидал цоги щиб абизе ккелеб гIаммал ифтIарал гьариялъул ва гьездаса ругел пайдабазул хIакъалъулъ.

БитIараб бицани, дие бокьуларо гIаммал ифтIаразде хьвадизе. Рокъоб агьлу-хъизамгун бокьула кIал биччазе. Росги виччаларо дица гьениве. Дида ккола рес гьечIел мискин-пакъирзабазе гIуцIарал ругин гьел ифтIарал.

2026-04-15 (Зул къагIида 1447 с.) №8.


Суал-жаваб

Гамида рекIун сапар гьабулев чиясул сапар киб байбихьулеб? Шагьар бугони ралъдал рагӀалда бугеб, ракьалдасан гьенире щвезегIан рекIун ине кколелги гьечIони ва гамидал ралъдал рагӀалде бачIинеги кIолеб бугони, сапаралъул байбилъун лъугьуна (гьес как къокъ гьабизе ва тIаде росун разе гIадал...


Нужее баяналъе

«БисмиЛлагьалъул» чан хIарп бугеб? – 19. «ХIа» ва «Мим» - аздаса байбихьулел сураби чан ругел? – Анкьго. Щай гьезие ХIавамим абурал цIарал кьурал? – ХIа-мим абун Аллагьас ﷻ гьел сураби байбихьун рукIиналъ. Щал гьел...


Баркалаялъулаб кагъат

№23626 рагъулаб часталъул командованиялъ ДРялъул муфтияталъул пресс-хъулухъалъул цIаралда битIун бачIана Баркалаялъулаб кагъат. Рагъулал хъулухъчагIаз муфтияталъул пресс-хъулухъалъе баркала загьир гьабулеб буго рагъухъабазе гьабулеб квербакъиялъухъ, информациялъулаб кверчIваялъухъ ва рагъухъабазул...


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....