Нужее баяналъе

1. Имам Тирмизиясул Аварагасул ﷺ хIакъалъулъ хъвараб машгьураб тIехьалда цIар щиб?

– «Шамаил МухIаммадия».

2. «Шамаил» щиб жо кколеб?

– «Шамаил» ккола чиясул тIабигIаталъул ва рукIа-рахъиналъул бицунеб жо.

3. Лъеберабилеб жузалда жаниб чан сура бугеб?

– 37 сура буго.

4. Къуръаналда бугеб кIиго сураялда абула «Ихлас» абун. Щал гьел?

– Сура «Ихлас» ва «Кафирун».

5. Аятул Курси щиб сураялда бугеб?

– Сура «Бакъараялда», аят 255.

6. Суннатаб буго цо-цо сурабазда хадуб абизе Лаилагьа илла ллагь валлагьу акбар абун. Щал гьел сураби?

- Сура «ЗухIаялда» ва гьелда хадур ругелщинал сурабазда.

7. «Жин» абун сураялда цIар щай тараб?

– Щайгурелъул авалалда аварагасде ﷺ хитIаб гьабун букIиналъ жиналги рехсон.

8. Рузман къоялъ ва сордоялъ цIализе бихьизабураб сура кинаб кколеб?

– Сура «Кагьф» ккола.

9. Кинав асхIабасул цIар рехсараб Къуръаналда?

– Зайд бин ХIарис, сура «ал-АхIзаб», аят 37.

10. Ахирисеб сура киб рещтIараб?

– Мадинаялда.

11. Алжаналъул кIул щиб?

– Лаилагьа иллаллагь МухIаммадун расулуллагь абураб рагIи.

12. Авараг щив кколев?

– Гьев ккола жиндихъе вахIю рещтIарав ва гIадамазда гьоркьоб тIибитIизабейин абун жинда амру гьабурав чи.

13. Расул щив кколев?

– Гьев ккола жиндихъе вахIю рещтIарав ва гIадамазухъе щвезабеян абун амру гьабурав. Щивав расул авараг вуго ва щивав авараг расуллъун гьечIо.

14. КIал кквей щиб соналъ тIадаблъун гьабураб?

– КIиабилеб гьижрияб соналъ.

15. ХIеж тIалъиялъул кинал шартIал ругел?

– Ислам, гIакълу, балугълъи, узденлъи, хIежалде ине хIал кIвей, чIужугIаданалда цадахъ махIрамияв чи вукIин.

Шамил МухIаммадов