Нужее баяналъе
- Нилъер гIакъидаялда щиб цIар бугеб?
- АшгIариясул цIар буго.
- Щив имамасул цIар кьураб?
- Имам Абул ХIасан АшгIариясул.
- Щай хасгьабун гьесул цIар кьураб?
- ХIакъикъаталда гьес Аварагас ва асхIабзабаз малъараб гIакъида цIунана къосарал чагIаздаса, гIадамазда малъана битIараб нух. Гьелдаса хадуб гIалимзабаз гьесул нух ккуна ва гьесул цIар машгьурлъана.
- ГIараб мацIалъул хIужжайилан лъида абулеб букIараб?
- Имам ШафигIида.
- СалихI аварагасухъе кинаб мугIжизат битIун букIараб?
- Кьуруялдаса варани загьир гьаби.
- «Улул гIазми», ай къвакIун чIарал аварагзаби щал кколел?
- НухI, Ибрагьим, Муса, ГIиса, МухIаммад.
- ТIоцебе Аварагасухъе вахIю киб бачIараб?
- ХIираъ абураб нохъоялда.
- Забур щив аварагасухъе рещтIараб?
- Давуд аварагасухъе.
- Авараг кинаб черхалъул чи вукIарав?
- Гьоркьохъеб хIалалъул вукIана, цIакъго халатавги, гьединго, къокъавги вукIинчIо.
- Аварагасул тIомол кьер кинаб букIараб?
- ХъахIаб, дагьабго багIарлъи жубараб, амма цIакъго хъахIаб букIинчIо.
- Аварагасул цо чода щиб цIар букIараб?
- Сакбу.
- Аварагасул гIорцIеналда щиб цIар букIараб?
- Дулдул.
- Яъжуж-Маъжужалъул кинаб сураялда бицунеб бугеб?
- Сура «Кагьфалда».
- Къуръан лъихъе рещтIараб?
- МухIаммад аварагасухъе.
- Инжил лъихъе рещтIараб?
- ГIиса аварагасухъе.
- Таврат лъихъе рещтIараб?
- Муса аварагасухъе.
