Аварагасул ﷺ ирс

Ислам буго Аллагьас ﷻ нилъее бихьизабураб нух. Гьеб нух ккун хьвадани, талихIаллъун рукIина. ГIелмуги ккола исламалъул рухI. Бищун дагьаб къадаргIаги гIелмуялъул нилъеда жаниб гьечIони, исламги чIунтула. ГIелму рекIелъ гьечIони, Аллагьас ﷻ нагью гьабурал жалаздаса кин нилъ цIунизе ругел?

Хирияв Аварагасул ﷺ хIадисалда буго: «ГIелму буго исламалъул рухI ва исламалъул хIуби», - ян. Гьединлъидал бищун кIудиял балагьаздасан ккола гIелму лъазабунгутIи. Жагьлу бецIлъи кколелъулха. Бичун босун щолеб жоги гIелму букIунаро.

Цо къоялъ Абу-Гьурайрат базаралде вачIиндал, гьенир дунявиял ишазде машгъуллъун ругел гIадамал рихьидал, гьезде хитIаб гьабун гьес абула: «Ле, гIадамал! Нужеца гьаниб щиб гьабулеб бугеб, Аварагасул ﷺ ирс бикьулебги букIаго», - ян. Гьеб букIана хирияв Авараг ﷺ ахираталде накълулъараб заман. Цинги гьел гIадамазда ракIалде ккана Аварагас ﷺ гIемераб бечелъи нахъе тун букIун батилин ва гьанже гьеб бикьулеб бугин абун. Гьеб ирс щвезелъун гIадамал рекерун уна мажгиталде. Абу-Гьурайратин абуни, гьел гIадамал мажгиталдаса нахъруссинегIан гьенивго чIун вукIуна. Цо заманалдаса нахъруссун рачIарал гьел Абу-Гьурайратиде тIаделъула дуца гьереси щай бицарабинги абун. Цинги гьес абула нужеда мажгиталда щиб батарабин абун. Гьезги абула цоял Къуръан цIалулел, цогидал гIелму лъазабулел, зикру бачунел, хIалал-хIарамлъиялъул бицунел ругоанилан. Цинги Абу-Гьурайратица абула: «КIудияб балагь буго нужее! ХIакъикъаталда гьебха кколеб хирияв Аварагасул ﷺ ирс», - илан.

Гьединлъидал, жакъа гIелму тIалаб гьабулев чиги ккола дунял-ахираталда талихI батаравлъун. Гьев ккола Аварагасул ﷺ ирс щварав чиги.

ГIали Разакъов, Гъуниб районалъул имамзабазул советалъул председатель

2026-06-15 (МухIаррам 1448 с.) №12.

ТавазугI-хIели абураб сипат буго чиясулъ ругел тIабигIатазул хирияб ва тIадегIанаб. Гьеб тIабигIаталъе баян гьабулаго хIакъикъиял, Аллагь ﷻ лъаялде рахарал гIалимзабаз хъвалеб буго, гьеб бугин: «Лагъасда жиндирго напсалъе щибго къадру-къимат, тIадегIанлъи, гьабулеб ишалъулъ цебетIей, вугеб...

Къуръан щиб моцIалъ рещтIараб? – Рамазан моцIалъ. Муса аварагасул вазир щив вукIарав? – Гьарун (сура «ТIагьа», аят 29). Къуръаналъул магIна щиб? – «ЦIале» абураб. Бищун кьучIаб хIадисазул тIехь щиб? – Бухари. Къуръан абураб...

ХIурматиял диналъул вацалгун яцал. Халкъалъул жамгIият гIуцIун буго БетIергьанас цоцазда бараблъун, ай цоцазе кумек гьабиялда хурхинабун. Хирияб Къуръаналъул аяталда буго (магIна): «Муъминал бихьиналги руччабиги цоцазе кумекчагӀи ва гьудулзаби руго. Гьез битӀараб жоялдалъун...

Аллагьас ﷻ, Жиндирго рахIма-талдалъун, сапаралъ унел бусурбабазе ахIвал-хIал бигьа гьабуна. Гьединлъидал, сапаралъ унев чиясе изну кьола цо-цо бигьалъабаздаса пайда босизе. Гьел бигьалъабазда гъорлъ руго ункъо ракагIаталъул какал кIигоялде къокъ гьари, гьединго кIиго как цоцаде тIаде...

Имам Загьидияс бицана: «Цо нухалда дун, дие бугеб ризкъи Аллагьас ﷻ азалалдаго хъвараб бугинги абун, гьелъул хIалбихьизелъун гIалахалде валагьун къватIиве вахъана. Авлахъалде щведал кIудияб мегIер бихьун, гьелде аскIове индал, гьениб батана нохъо. Жаниве лъугьун, бищун чIегIераб...

Аварагасул ﷺ ирс