Аслияб гьумералде

Шамил имамасул 500 кагъат

Шамил имамасул 500 кагъат

ЦIалдолезухъе щвана «Шамил имамасул 500 кагъат» абураб тарихияб тIехь. Гьелда руго батIи-батIияб заманалда Шамил имамас хъварал кагътал. Гьез гIатIидаб баян кьолеб буго имамасул заманалда букIараб хIал бичIчIиялъе, гьенир дандчIвалел рукIарал тарихиял хIужаби щвеялъе.

Гьел данде ракIариялда, гIуцIиялда, таржама гьариялда тIад хIалтIана, МухIаммад ХIамзаевасул бетIерлъиялда гъоркь, гIелмиял хIалтIухъабазул къокъа. Гьеб тIехьалда руго имамас рахъ-рахъалъул вакилзабазде, къадизабазде, наибзабазде хъварал кагътал. Гьезда жаниб буго тIубараб гIелму ва тарих. Абизе бегьула гьел кагътал Дагъистаналъул гIемерисел росабазул вакилзабахъе хъварал ругин абун.

ЦерегIан къоязда МахIачхъалаялда тIобитIана гьеб тIехь къватIибе бачIиналда бан цебелъей. Мажлисалда гIахьаллъи гьабуна батIи-батIиял гIелмабазул ва махщелазул вакилзабаз. Гьеб гIуцIараз гьенире ракIараразе бицана тIехь данде гьабулаго дандчIварал лъугьа-бахъиназул ва гьелъие кумек гьабуразул хIакъалъулъ.

ГIабдуллагь МухIаммадов

2026-04-15 (Зул къагIида 1447 с.) №8.


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Имам АбулхIасан АшгIариясул хIакъалъулъ тIехь

ДРялъул муфтияталъул гIелмияб отделалъ хIадур гьабун буго кIудияв имам АбулхIасан АшгIариясул гIумруялъул ва гIелмуялъул бицараб тIехь.  КватIичIого гьеб бачIине буго къватIибе ва гьелдаса пайда босизе бегьула бокьарав чияс, хасго студентаз, исламияб гIелму лъазабулез.


ХIикматал махлукъатал

Морж   ЧIахIиял рухIчIаголъабазул цоял ккола моржал. Гьел руго тIом биццатал ва гьелъ кумек гьабула гьезие квачалдаса цIунизе. Габуралъул тIасияб рахъалъул тIом  букIуна 10 сантиметралъ биццатаб.   Гьезда кIола рекIел кьабиялъул хехлъи-хIинцIлъи жидеего бокьухъе бачине. Лъим...


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...