Аслияб гьумералде

Школалда дандчIвай

Школалда дандчIвай

Школалда дандчIвай

Гьал къоязда МахIачхъала шагьаралъул № 59 школалъул анлъабилеб классалъул цIалдохъабазулгун дандчIвай гьабизе вачIун вукIана магIарул мацIалда биччалеб «Ас-салам» казияталъул редактор ГIабдуллагь МухIаммадов ва жавабияв секретарь МухIаммадгIариф Къурбанов.

Гьез лъай-хъвай гьабуна классалъулгун ва щивас бицана жиндирго цIар, районгун росу. «Ас-салам» казияталъул бицунаго, киназго абуна жидеда гьеб лъалин. Цояз абуна кIудица цIалулеб бихьанин, цогияз бицана кIодоца ва эбел-инсуца цIалулин абун. ХIатта ратана жидецаго гьеб цIалулелги. Ниж араб дарс букIана магIарул мацIалъул. Гьезул мугIалим Марият Хасаевналъ бицана жидер школа рагьун щугониги сон бугин, гьеб рагьаралдаса магIарул мацIалъул мугIалимлъун хIалтIулейги йигин абун.

Лъималазулгун гIемераб накъитги ккана. Рорхана батIи-батIиял суалал. МашаАллагь, лъималазда лъалеб бугоан Дагъистаналда ругел киналго районазул цIаралги. Гьединго лъалел ругоан магIарулазул машгьурал шагIирзабиклассикалги. Абизе бегьула ирга щвечIеб суал хутIун батиларин гьаб данчIваялда борхичIеб.

Лъималаз хасго гъираялда жавабал кьуна диналда тIасан кьурал суалазеги. ЦIакъ берцинаб гьуинлъиялда ва рохалида ана дандчIвай. «Ас-саламалъул» редакторас къотIи гьабуна редакциялдаги гьел къабул гьаризе ва казияталъе гьабулеб хIадурлъи бихьизабизе.

ГIАБДУЛЛАГЬ МУХIАММАДОВ

2026-04-15 (Зул къагIида 1447 с.) №8.


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


БакI теларо

Нилъер гIумруялъулъ рукIуна гIадатияллъун рихьулел, амма Аллагьасда цебе кIудияб кIвар бугел жал. Гьединал, кIочон тарал суннатазул цояб ккола как балеб мехалда мухъал ритIизари. ГIемерисез гьеб кIвар кьечIого тола, гьеб битIахъего нилъер какил даражаялда ва гIадамазда гьоркьоб бугеб цолъиялда...


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Баркалаялъулаб кагъат

№23626 рагъулаб часталъул командованиялъ ДРялъул муфтияталъул пресс-хъулухъалъул цIаралда битIун бачIана Баркалаялъулаб кагъат. Рагъулал хъулухъчагIаз муфтияталъул пресс-хъулухъалъе баркала загьир гьабулеб буго рагъухъабазе гьабулеб квербакъиялъухъ, информациялъулаб кверчIваялъухъ ва рагъухъабазул...


Муфтияталда дандчIвана

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун.  Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...