Гьересияб нугIлъи

Аварагасул ﷺ хIадиасалда буго: «Къиямасеб къоялъул гIаламатаздасан ккола хIакъаб бахчун гьересияб нугIлъи гьаби тIибитIи», - ян. (АхIмад)

Гьересияб нугIлъи гьабиги ккола, хIакъаб лъалеб бугониги, диваналда гьереси бицун мекъав ритIухъ гьави ва битIарасул хIакъ хвезаби. Гьересияб нугIлъи гьаби чIахIиял мунагьаздасан рикIкIуна. ТIадегIанав Аллагьас ﷻ Къуръаналда абун буго (магIна): «НугIлъи гьабизе тIаде босарав чияс гьебги бахчуге ва ахIидал нугIлъи гьабизеги а. НугIлъи бахчарав, ракIалъ мунагь гьабулев чи вуго», - ян. (Суратул «Бакъарат» 283 аят)

Гьеб мунагьалъул гIасилъиялъул бицун Абубакар-асхIабасги абуна: «Бичасул Расулас ﷺ лъабцIул абуна: «Мунагьазул бищун кIудияб бицинищ нужее?» - ян. ЛъабцIул гьеб такрарги гьабун, Аварагас ﷺ абуна: «Хъанчие лагълъи гьаби (ширк), эбел-инсуе зарал гьаби ва гьересияб нугIлъи гьаби», - ян. Гьеб абулаго Авараг ﷺ цо жоялда ваччун вукIана, цинги гьев гIодовчIана ва гьел рагIаби такрар гьарулев вукIана нижеда ракIалде ккезегIан «гьес абичIебанищ», - абун». (Бухари)

Камил МухIаммадов

2026-04-15 (Зул къагIида 1447 с.) №8.

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна. Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....

«Зебра» абураб спортивияб комплексалда тIобитIана гьабсагIаталда отпускалда ругел СВОялъул гIахьалчагIазе тадбир. Гьелъул хIаракатчагIилъунги церерахъана «Каспий» батальоналъул имамлъун вукIарав ва гьанже муфтияталъул северияб округалда вугев вакил МухIаммад Мукъошдибиров,...

«БисмиЛлагьалъул» чан хIарп бугеб? – 19. «ХIа» ва «Мим» - аздаса байбихьулел сураби чан ругел? – Анкьго. Щай гьезие ХIавамим абурал цIарал кьурал? – ХIа-мим абун Аллагьас ﷻ гьел сураби байбихьун рукIиналъ. Щал гьел...

Гьересияб нугIлъи