Дир гIагараб росу
Дун йиго мугIрузда гьаюрай ва гIурай яс. Бана 11 сон. КигIан гьитIинай йигониги дида лъала ватIан щиб жо кколебали. Дида гьеб лъалаан жеги 4-5 сон бугеб мехалъго.
Дица гIумру гьабулеб буго Буйнакск районалъул Ахъайтала росулъ. Гьаниб гIага-шагарго 220 цIаракиги буго. Дир росдае кьучI лъуна Акай абурав чияс, 230-250 соналъ цебе. Умумуз бицунаан Акай вехь вукIун вугин абун.
Нижер росулъа рахъана гIемерал лъикIал чагIи. Дир кIудияв инсул эмен МухIаммадрасул вукIана КIудияб ВатIанияб рагъул гIахьалчи. Гьединго ГIумаров Хасбулат - шагIир ва гIемерал соназ школалда хIалтIарав мугIалим. Гьале гьесул асаралдаса цо кесек:
ТIабигIат берцинаб сверухълъиялда, ГIалхул чан тирулеб тала букIараб. ТIаде балагьани зоб бихьуларел, Руччарал рохьалги гьанир рукIарал.
