Аслияб гьумералде

«Ас-саламалда» сверухъ къецал

«Ас-саламалда» сверухъ къецал

Гьал къоязда Лаваша районалъул Урма росулъ тIобитIана «Ас-салам» казияталда рахъарал суал-жавабазда тIасан къецал. Гьелда гIахьаллъи гьабуна районалда бугеб магIарулазул ичIго росдал вакилзабаз.

Мажлис гIуцIана Урма росдал имам АсхIабгIали-хIажияс ва Лаваша районалда вугев «Ас-салам» казият тIибитIизабиялъул цевехъан ХIамидов МухIаммадрасулица.

Гьеб баракатаб данделъиялда гIахьаллъи гьабуна магIарул мацIалда къватIибе биччалеб «Ас-салам» казияталъул редактор ГIабдуллагь МухIаммадовас, исламиял гIелмабазул доктор, Урмаса МухIаммадица, Лаваша районалъул имам АхIмад-хIажица, казият тIибитIизабиялъул отделалъул вакил Мурадица.

Щивав чиясе хIадур гьабун букIана январалдаса бахъараб къватIибе биччараб 12 номералда рачIарал суал-жавабаздаса щивасе анцIила кIиго суал. Къецалда гIахьаллъарал гIадамазул букIана батIи-батIияб ригь, рукIана гIолохъаби ва ригьалде рахарал. Гьединго рукIана руччабиги.

Гьел къецазда бергьарасе сайгъатлъун бихьизабун букIана гIумраялде ине путевка. Гьелъие мустахIикълъана Урма росулъа Сайпудинова Мадина. Цогидал гIахьалчагIазе кьуна къиматал сайгъатал.

Мажлис гIуцIараз ракI-ракIалъулаб баркала загьир гьабулеб буго гьеб данделъиялъе кумек гьабуразе. Аллагьас аза-азариде бахинабеги.

ГIабдуллагь МухIаммадов

2026-04-15 (Зул къагIида 1447 с.) №8.


Муфтияталъе баркала кьуна

Хасавюрт районалъул бетIерасул ишал тIуралев Багьавудин Мамаевгун дандчIвана «Инсан» фондалъул генералияв директор МухIаммад Мусаев, муфтиясул заместитель Насрула Абубакаров, рехсараб районалъулгун шагьаралъул волонтеразул централъул нухмалъулев Адам Нажмудинов. Гьез бицана тIабигIияб...


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Аварагасул ﷺ асараздасан

Авараг ﷺ мисал босулев чи вукIиналъ, асхIабзабаз Аварагас ﷺ хIалтIизарулел рукIарал алаталцин рехсана. Ибну Асирица баян гьабуна стакан гьоркьохъеб кӀодолъиялъул букӀанин, я гьитӀинаб, я кӀудияб гуреб. Аварагасе ﷺ бокьулаан алатазда хасал цӀарал лъезе, стаканалда цӀарги лъуна «Раян» абун. Гьесул...