Аслияб гьумералде

Хирияб сордо кIодо гьабуна

Хирияб сордо кIодо гьабуна

Барааталъул сордоялъ Хьаргаби районалъул КIикIуни росулъ тIобитIана «Лъай камил гьабиялъул сордо» абураб цIаралда гъоркь мажлис. Лъабго нухалда Ясин цIалун хадуб, росдал имам ХIасан-хIажица лъазабуна мажлисалъе нухмалъи гьабизе бугин районалъул имамзабазул советалъул нухмалъулев Тажудин-хIажица.

 

Районалъул имамас бицана мажлис гIуцIиялъе сабаблъун кканин рогьалилгун боголил какде 40 къоялъ хьвадарал лъимал кIодо гьари. Мажлисалда гIахьаллъаразда гьоркьобги букIана можоро рехиялдалъун сайгъатал кьей. ГIумраялде ине ихтияр кьолеб путевка щвеялъеги рехана можоро кидаго жамагIат-какде хьвадулев 12 чиясда гьоркьоб.

Мажлисалда гIахьаллъи гьабуна Дагъистаналъул муфтияталъул мугIрузулаб округалда вугев вакил ГIалиасхIаб Разакъовас, магIарул мацIалда бахъулеб «Ас-салам» казияталъул редактор ГIабдуллагь МухIаммадовас ва районалъул росабазул имамзабаз.

«Ас-салам» казияталъул редакторас бицана хIалтIул, гьабуна хIасил. 1994 соналдаса нахъе къватIибе биччалеб казияталъ халкъалда дин бичIчIизабиялъе, дагIваталъе кIудияб хIалтIи гьабулеб бугин абуна гьес.

Районалъул имам Тажудин-хIажица лъикIаб къимат кьуна кIикIундерица гIуцIараб мажлисалъе ва бусурбабазе. Гьадинал мажлисал гIуцIи кколин абуна гьес иман щулияб букIиналъул гIаламатлъун.

ВагIза гьабун, гьоркьоб мавлид ахIун, сайгъатал кьун, берцинго тIобитIана исламияб мажлис. КIикIуниб росдал 60-ялдасаги цIикIкIун лъимералъе кьуна къиматал сайгъаталги.

ГIун бачIунеб гIел исламалъул нухда ругьун гьари ккола нилъеда исламалъ тIад гьабураб амру. Гьелъие бергьун кIудияб хIалтIи гьабула имамзабазгун мугIалимзабаз. Эбел-инсуе хутIула имамзабазул ахIиялъе жаваб гьабун, радал-къаси лъимал мажгиталде ритIи.

Аллагьас кумек гьабеги лъикIабщиналъе.

 

ХIамид МухIаммадов

 

2026-04-15 (Зул къагIида 1447 с.) №8.


Аварагасул ﷺ асараздасан

Авараг ﷺ мисал босулев чи вукIиналъ, асхIабзабаз Аварагас ﷺ хIалтIизарулел рукIарал алаталцин рехсана. Ибну Асирица баян гьабуна стакан гьоркьохъеб кӀодолъиялъул букӀанин, я гьитӀинаб, я кӀудияб гуреб. Аварагасе ﷺ бокьулаан алатазда хасал цӀарал лъезе, стаканалда цӀарги лъуна «Раян» абун. Гьесул...


Казбекалъулазги гьабуна кумек

Казбек районалъул жамагIаталъ, цо сордо-къоялда жаниб, бажарараб кумек гьабуна тIабигIияб балагьалъул квачIикье ккарал Хасавюрт районалъул гIадамазе.  Гьединаб кумек гьабизе ккеялъул бицун цеве вахъана районалъул имамзабазул советалъул председатель ва гьес киналго ахIана бажарарас бажарараб...


Муфтияталда дандчIвана

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун.  Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...