Аслияб гьумералде

Кваналаго хабар бицин

Кваналаго хабар бицин

Кваналаго хабар бицин

Нилъеда бицунеб рагIула кваналеб мехалда гаргадичIого чIезе лъикIаб бугин. Гьединго абула: «Дун кваналеб мехалда гIинкъавлъун вуго», - янги. Гьединаб къагIида шаригIаталда бугеб жо гуро. Бухарияс ва Муслимица бицараб хIадисалда буго: «Цо нухалъ аварагасе босун бачIана гьан ва гьесие кьуна ратIа.

Дагьаб жоги кванан аварагас гьадин бицуна: «Дун къиямасеб къоялъ цевехъанлъун вукIине вуго», - ян.

Хадуб аварагас бицана шапагIат гьабиялъул хIакъалъулъ, гьеб заманалда авараг кваналев ва шапагIаталъул бицунев вукIана. Гьелдасан бихьулеб буго кваналаго кIалъазе бегьулеблъи.

СахIихIу Муслималда буго, Жабир бин ГIабдуллагьидасан бицанин: «Аварагас дандежо кьеян абула. КъанцIа гурони гьечIин абидал, аварагас абула гьеб кьейилан. Босун бачIиндал, аварагас кваналаго абула, кигIан лъикIаб дандежоха къанцIа бугебилан».

Имам Нававияс абун буго: «Гьелъ тIоритIел гьабула кваналаго хабар бицине лъикIаб бугеблъиялде, кваналел чагIазул ракIгъезабиялъул мурадалда».

Ингилисазул гIалимзабаз абулеб буго кваналеб мехалда хабаркIалалда ругони, лъикIаб бугин. Масала, нилъеца хабар бицунаго гьоркьоб лъалхъи гьабула. Гьедин бугеб мехалда хехго гIорцIула, калориязул дагьаб гурони къадарги щоларо.

Гьелъ гIадал нахалъе лъикI хIалтIизе ресги кьола. Кваназе гIодор чIедал нилъеца байбихьула хехго кваназе. Гьебин абуни кколеб буго кванирукъалъе захIмалъи гьаби. Хабар бицунаго, ай лъалхъи гьабулаго кваналел ругони, кванирукъалъеги бигьалъулеб буго квен бихIинабизе.

Руго хIадисал кваналеб мехалда гаргадизе бегьуларин абулелги. Амма гIалимзабаз рикIкIунеб буго гьел цIакъ загIипал хIадисал ругин. КьучIал хIадисаз бицунеб буго аварагас кваналаго хабар бицунеб букIараблъи. Имам СахIавияс абун буго: «Гьелъул хIакъалъулъ нагью ва гьединго амру гьабулеб жо дида бихьичIо», - ян (алМакъасидул ХIасан, 510).

Амма нилъеца кваналелъул бицине ккола лъикIаб хабар, нилъее пайдаялъе батулеб. Кванда нахъа къваригIел гьечIеб бицине бегьуларо. ГIагарлъигун цадахъ кваналел ругони, бицине лъикIаб буго цоцада гьоркьоб рахIму-гурхIел цIикIкIунеб хабар.

ГЬУМЕР ХIАДУР ГЬАБУНА ШАМИЛ МУХIАММАДОВАС

2026-08-15 (РабигIул аввал 1448 с.) №16.


Аварагасул ﷺ кIиго къиса

Аварагас ﷺ рихьизаруна чанго мугIжизатал, авараглъиялъул хIакъикъат гIадамазда бичIчIизабиялъе. Гьелдаго цадахъ аварагасда ﷺ гIезегIан захIмалъаби рихьана халкъ диналде ахIулаго. МугIжизатазул бищун кIудиябги ккола Къуръан. Щайгурелъул, Аллагьасул ﷻ калам букIиналъ, лъиданиги жиб хисизабизеги...


«Инсаналъ» ахIулел руго

Дагъистаналда аза-азар хъизамалда захӀмалъаби дандчӀвала лъимал школалде хӀадурулаго. ГӀемерисез лъимал школазде ритIула хIажатаб алат босизе налъиги гьабун. «Инсан» фондалъ тӀобитӀулеб «Лъимал школалде хӀадур гьаре» абураб акциялъ кумек гьабулеб буго лъималазе хӀажатабщинаб...


Хириясул ﷺ насаб

Щивав чиясда тIадаб буго хирияв аварагасул ﷺ инсул ва эбелалъул наслуялъул рахъалъан гьабураб насабалъул сияхI лъазе.   Аварагасул ﷺ инсул рахъалдасан насаб ГIабдуллагь. Аварагасул ﷺ эмен вукIана къурайшиязул мисал босизе бегьулев инсан. Гьев вукIана ГIабдулмутIалибил анцIабилеб лъимер....


Ахирисеб сапар

Хвел ккола щивав чиясда цебе бугеб, тIаса унареб хIакъикъат. ТIадегIанав Аллагьас абуна (магIна): «Кинабго напсалъ хвел чIамизе буго», - ян. (Сура «Алу-ГIимран», аят 185)   Гьединлъидал исламалъ бусурбабазда малъула хвалде хIадурлъи гьабизе гуребги, дунял тун унев чиясда аскIоб кин рукIине...


Аллагьасул ﷻ разилъи кин щолеб?

Нилъ рижун рати гIададисеб жо гуро. Пикру гьабуни, нилъеда гьеб бичIчIила, щайгурелъул, пикру гьабиялъ нилъ рачуна лъикIаб нияталде, битIараб нухде. Пикру гьаби исламалда беццараб ишги буго. Къуръаналда Аллагьас ﷻ абичIищ нилъ рижанин Гьесие гIибадат гьабизелъун.   Аллагьас ﷻ малъухъе...