Аслияб гьумералде

ГьацIудаса закагIат...

ГьацIудаса закагIат...

ХIанафиябги ХIанбалиябги мазгьабалда абулеб буго 1/10 бутIа гьабун гьацIул закагIат бахъизе кколин. Амма гьеб кIиябго мазгьабалъул кигIан къадаралде щведал бахъизе кколебали батIи-батIияб баян буго. ХIанбалияб мазгьабалда рекъон, гьелъул къадар бахуна 75 кг. ГьацIудаса закагIат бахъиялъе гьез далиллъун бачана тарихияб хIужа. Йеменалъул агьлуялъ ГIумар ибну ХатIтIабида гьацIудаса закагIат бахъиялъул суал цIехола. Халифас гьезие жаваб кьола нужеца 75 килограммалдаса 1/10 бутIа бахъизе кколин абун.

 

Имам Абу ХIанифица абуна гьацIул закагIат бахъизе кколин 1/10 бутIа, кигIан къадар гьелъул бугониги. ХIанафияб мазгьабалъул Абу Юсуфица абуна, гьацIул къадар 720 кг бахани бахъизе кколин абун.

ГьоцIоялдаса закагIат бахъизе кколин абулел гIалимзабазул далилал ккола гьал хIадисал:

  1. ИбнуМажагьица, ГIабдуллагьибнуГIамридасанбицана, Аварагас гьоцIоялъул закагIат бакIаранин 1/10 бутIа.
  2. Байгьакъияс, Абу Гьурайратидасан бицана: «АварагасﷺЙеменалъулагьлуялдекагъатхъвана, гьезгьацIудаса 1/10 бутIабахъе (закагIат)», - ян.
  3. ИбнуХузайматицахIадисбицана, Бану Шаббаб абураб къапилаялъ аварагасе ﷺ гьацIудаса 1/10 бутIа бахъулеб букIанин абун. Аварагас ﷺ гьезие къотIи гьабулаан гьезул наял ругеб бакI цIунизе.

Маликияб ва ШафигIияб мазгьабалда абула гьацIудаса закагIат бахъизе кколарин, даран-базар гьабураб мехалъ хутIун. Даран-базар гьелдаса гьабуни, бокьараб къайиялдаса закагIат бахъулебго гIадин, гьелдасаги бахъизе ккола. КIиябго мазгьабалъул гIалимзабаз чIванкъотIарал далилал рачинчIо гьацIудаса закагIат бахъизе кколин абун. Гьеб пикруялда рукIана Имам Бухари, Ибну Мунзир ва гьел гурел цогидалги гIалимзаби.

ЧIванкъотIараб далиллъун ккола гьацIудаса закагIат бахъизе кколин абуразул Ибну Хузайматица бицараб хIадис.

Кинниги ШафигIияб ва Маликияб мазгьабалъул гIалимзабаз абуна гьелъ гьацIудаса закагIат бахъи кьоларин. Рес буго гьез гьоцIо кьолеб букIин наял ругеб бакI цIуниялъе. Гьеб пикру тарихияб хIужаялъ щула гьабула, гьел чагIи халифлъун вугев мехалъ ГIумар-асхIабасухъе рачIуна, аварагасулгун ﷺ гьезул букIараб къотIиги гьесда бицуна. ГIумар-асхIабас абуна Суфьян ибну ГIабдуллагьида аварагасе ﷺ кьолебгIанасеб къадар гьез кьолеб батани, цIуне гьезул бакIалилан. Кьолеб букIинчIебани, ГIумар-асхIабас гьезул бакIал цIунизе рукIинчIо.

Аварагасе ﷺ кьолеб жо закагIатлъун букIарабани, ГIумар-асхIабас жиндирго хIалтIухъанасда амру гьабизе букIана гьезухъа закагIат бахъизе, ай къотIи гьабичIого.

Шамил мухIаммадов

2026-04-15 (Зул къагIида 1447 с.) №8.


ГIелмиябгун практикияб конференция

«Консолидированные стратегии лечения ожирения. Мультидисциплинарный подход: от хирургии до реабилитации» абураб цIаралда гъоркь МахIачахъалаялда тIобитIана гIелмиябгун практикияб конференция. Гьелда гIахьаллъи гьабуна нилъер республикаялъул тахшагьаралъул №3 клиникияб больницаялъул...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


ХIажатазе кумек гьабула

БетIергьанас ﷻ халкъ бижун буго цоцазе кумек гьабулеллъун, ай цоцада жидер гIумруялъул шартIал хурхараллъун. Гьединлъидалин паризаяб закагIаталде тIаде суннатаб садакъа кьейги лъикIаблъун бихьизабун бугеб исламалда жаниб. Дагъистаналда руго гIезегIан гурхIел-рахIмуялъул фондал.  Гьезул аслияб...


БакI теларо

Нилъер гIумруялъулъ рукIуна гIадатияллъун рихьулел, амма Аллагьасда цебе кIудияб кIвар бугел жал. Гьединал, кIочон тарал суннатазул цояб ккола как балеб мехалда мухъал ритIизари. ГIемерисез гьеб кIвар кьечIого тола, гьеб битIахъего нилъер какил даражаялда ва гIадамазда гьоркьоб бугеб цолъиялда...


Аварагасул ﷺ асараздасан

Авараг ﷺ мисал босулев чи вукIиналъ, асхIабзабаз Аварагас ﷺ хIалтIизарулел рукIарал алаталцин рехсана. Ибну Асирица баян гьабуна стакан гьоркьохъеб кӀодолъиялъул букӀанин, я гьитӀинаб, я кӀудияб гуреб. Аварагасе ﷺ бокьулаан алатазда хасал цӀарал лъезе, стаканалда цӀарги лъуна «Раян» абун. Гьесул...