Гъаззаялъе дугIа

Гьале чанго моцI ана Гъазаялда хIалуцараб хIал лъугьаралдаса. Гьезие кумек гьабизе байбихьана бусурбабазги. Дагъистаналъул халкъалъги байбихьана бажарараб кумек гьабизе ва щибаб къойил, рогьалил каказде данделъун, дугIа гьабизе. Дагъистанияз бакIарараб кумекги щвана палестинаялъулазухъе.

Цо-цо «гIакълу камилаз» абулеб букIана митингазде рахъине кколин, нилъерго разилъи гьечIолъи загьир гьабизелъун. Амма ДРялъул муфтияталъул ва гIалимзабазул советалъ тIаса бищана рогьалил каказдеги данделъун, къварилъиялда ругел бусурбабазе, хасго Гъазаялъул агьлуялъе дугIа гьаби.

Рогьалил какде рахъиналъул хиралъи нилъеда лъала. «Рогьалил гIужалхIаги» абун Къуръаналда, суратул «Фажралъул» цо аяталда, гьедулев вуго ТIадегIанав Аллагь ﷻ. Аварагас ﷺ абуна: «Мунапикъзабазе бищун захIматаб как рогьалил ва боголил буго. Гьел каказул хиралъи гьезда лъалебани, хъурщунцин рачIинаан гьел», - ян.

Рогьалил как дунялалдасаги хирияб буго. Аварагас ﷺ киналниги ратибатаздаса рогьалил какил ратибатал хасс гьарулаан. Сапаралда вугеб мехалда хутIун, гьес ﷺ кидаго балаан рогьалил какил ратибат. Аварагас ﷺ абуна: «Рогьалил какда цебе балеб кIиго ракагIаталъул ратибат тIолабго дунялалдаса ва гьелда жаниб бугелдаса лъикIаб буго», - ян.
Аллагьасул цIуни. Аварагас ﷺ абуна: «Рогьалил как барав чи Аллагьасул ﷻ цIуниялда гьоркь вукIуна», - ян. Паризаяб рогьалил как барав чи Аллагьас ﷻ хадусеб рогьалил какил гIуж щвезегIан тIаде рачIунел балагьаздаса цIунула.
Рогьалил как барав чи тIубараб сордоялъ какал рарасда релълъун вукIуна. Аварагас ﷺ абуна: «ЖамагIатгун рогьалил как барав чи тIолабго сордо чIаго гьабурасда релълъун вуго», - ян.
Алжан насиблъи. ХIадисалда буго: «Бакъ баккилалде ва бакъ тIерхьиналде как барав чи жужахIалъуве лъугьинаро», - ян.
Рогьалил гIужалъ Къуръан цIали. Аварагас ﷺ абуна: «Къаси Къуръан цIаларав чиясе малаикзабаз рогьинегIан мунагьал чури гьарула, радал Къуръан цIаларав чиясе малаикзабаз къасилъизегIан мунагьал чури тIалаб гьабула», - ян.

Балагьеха, бусурбаби, рогьалил какдеги ракIарун дугIа гьабиялъул пайда чанго миллион нухалъ цIикIкIунеб гьечIищ, митингазде рахъун гIала-гъважа гьабиялдаса.

ГIабдуллагь МухIаммадов

2026-04-15 (Зул къагIида 1447 с.) №8.

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун. Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...

ДРялъул муфтияталъул гIелмияб отделалъ хIадур гьабун буго кIудияв имам АбулхIасан АшгIариясул гIумруялъул ва гIелмуялъул бицараб тIехь. КватIичIого гьеб бачIине буго къватIибе ва гьелдаса пайда босизе бегьула бокьарав чияс, хасго студентаз, исламияб гIелму лъазабулез.

«Консолидированные стратегии лечения ожирения. Мультидисциплинарный подход: от хирургии до реабилитации» абураб цIаралда гъоркь МахIачахъалаялда тIобитIана гIелмиябгун практикияб конференция. Гьелда гIахьаллъи гьабуна нилъер республикаялъул тахшагьаралъул №3 клиникияб больницаялъул...

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...

Гъаззаялъе дугIа