РакIчIей
Дица малаикзабазда имам лъола, ай ракIчIезабула, гьел ТIадегIанав Аллагьас рижарал, Гьесул рацIцIадал лагъзал ругин абун.
Жал кваналарел, гьекъоларел, бихьинлъи-цIулъи, гьава-нафс гьечIел, жал кьижуларел, ригьин гьабуларел, лахIзаталъ Аллагьасдехун гIасилъуларел, лахIзаталъ гIадада чIечIого ТIадегIанав Аллагьасе гIибадат гьабулел, Гьев рехсолел, Аллагьас амру гьабурабщинаб гьабулел, жал хвезеги ругел, хун хадур Аллагьас чIаго гьаризеги ругел, нуралдаса рижарал, зобал-ракьал цIурал, жидер рикIкIен Аллагь гуресда лъаларел, батIи-батIиял суратазде сверизеги кIолел, ТIадегIанав Аллагьас жидее чIахIи-чIахIиял гьунаралги кьурал, жидер щивасе Аллагьас хасаб макъамги кьурал Аллагьасул лагъзал ругин абун иман лъола. Гьел Аллагьасул ясал кколилан абулел гIадамал ккола, гIакъликъал, гIантал, капурал гIадамал. Гьелги нилъго гIадал Аллагьас рижарал, хвезеги ругел, хун хадур тIаде рахъинаризеги ругел Аллагьасул лагъзал ккола.
