РухIияб центр

АлхIамдулиЛлагьи, раббил гIаламин,

ГIаламалъул Халикъ - хирияв Аллагь.

Аварагасеги свалатгин салам,

Сайид МухIаммадий - мун нижер расул.

.....

Россиялда жаниб жиб цIакъ гьитIинаб

Гьаб Дагъистаналда, диналъул чагIаз

РухIияб центрилан, цадахъги рахъун

РачIаян гьеб базе, гьабуна ахIи.

.....

АхIуд рахъинеги хIадурал чагIи

ГIемерал ратани, рецц Аллагьасе.

Аллагьасе гIоло гIамал гьабулел

Гьарзаго рукIиналъ, рорхана къадал.

.....

КъваригIелал ккедал кумек гьабулел

Рачаги Аллагьас Алжаналъуре.

Алжан-жужахIалъул Жив Ханлъун вугев

Воре, къабул гьабе, гьезул садакъа.

.....

Сверизе, тиризе, туристал щведал

Щивасул рекIеда рахIатгун рохел.

Рорхатал къадазда, къулараб тIохда,

ТIогьол квацIи гIадин анлъго минара.

.....

Ма шаа Ллагь, гьалъул гьайбатлъиго щиб,

ГьакIкIан хутIана дун, гъутIби рихьидал.

Гъира цIикIкIана дир, цIидасан щвезе

ЦIияб аллеялде, цIияб централде.

.....

Дие бокьун буго баркала кьезе

Баракат гIемерав АхIмад-хIажие.

ХIалтIизе аразе, гIарац кьуразе,

ТIолго гIалимазе, муфтияталъе.

ХIАСАН ХIАСАНОВ, ЦIУМИЛУХЪ РОСУ.