КIалбиччаялъул гIид

ДРялъул муфти, шайих АхIмад-афандиясул байрам барки

ХIурматиял вацал ва яцал! РакI-ракIалъго баркула нужеда КIалбиччаялъул байрам!

Хирияб рамазаналъул къояз киналго бусурбабаз Аллагьасул ﷻ амруялда нахърилъун кIалал ккуна, цадахъ данделъун таравихIал рана, дунял-ахираталъул балагьаздаса бусурбаби хвасар гьареян Аллагьасда ﷻ гьардана, садакъаде хIалкIвараб боцIи-магIишат кьуна, кIалбиччазе жидехъего гьалбал ахIана, жалго цогидазул ахIиялъе жаваб гьабун ана, жидедаго лъалеб лъикIаб жо цогидазда малъана, кIвараб куцалда лъикIлъи тIибитIизабуна диналъул вац-яцазда гьоркьоб, гьуинлъи ва лъикIаб бухьен букIиналъул нияталда.

Рамазан моцI ккола тIабигIат-гIамал камиллъулеб, Аллагьас ﷻ Жиндир лагъзадеридехун рахIму-цIоб гьабулеб мех. Нилъеца гьелъие къо-лъикI гьабулеб буго, Аллагь ﷻ нилъеда гурхIиялъул хьулалда, кинабниги лъикIаб ишалъе Гьесул кумек-квербакъи щвеялде бугеб гIишкъугун. Жинде таваккал тIамурасе Жинца гIей гьабулев вугелъул нилъер БетIергьан.

Аллагьас ﷻ къабул гьареги ккурал кIалалги, гьарурал дугIабиги. Аллагьас ﷻ насиб гьабеги киназего Жиндир разилъигун сахаватлъи. ГIумруялъул нахъе хутIараб заманалдаги нилъее цIунаги гьаб моцIалъ гьарурал гIамалал.

2026-04-15 (Зул къагIида 1447 с.) №8.

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай. ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...

ТӀадегӀанав Аллагьас дунял бижана къануназда ва къагӀидабазда рекъон. Нилъеда сверухъ бугебщинаб жо низамалда букӀуна: заманал хисула, планетаби хьвадула, гьел системабазул цонигиял жидецаго чӀезарурал гӀорхъабаздаса къватIиреги кколаро. Амма тӀабигӀаталда къанунал рукӀунел гӀадин,...

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна. Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...

Гамида рекIун сапар гьабулев чиясул сапар киб байбихьулеб? Шагьар бугони ралъдал рагӀалда бугеб, ракьалдасан гьенире щвезегIан рекIун ине кколелги гьечIони ва гамидал ралъдал рагӀалде бачIинеги кIолеб бугони, сапаралъул байбилъун лъугьуна (гьес как къокъ гьабизе ва тIаде росун разе гIадал...

КIалбиччаялъул гIид