Аслияб гьумералде

ЛъикIал гIамалазул моцI – Рамазан

ЛъикIал гIамалазул моцI – Рамазан

Ассаламу гIалайкум ва рахIматуллагьи ва баракатугьу!

ХIурматиял диналъул вацал ва яцал!

РакI-ракIалъго баркула нужеда хирияб Рамазан моцI байбихьи. Гьаб хирияб гIужалда дир гьари буго, гIадада заман биччачIого, лъикIаб хьвадиялда тIадчIей гьабеян абураб. Цоцаздехун гьуинлъи-гурхIел бихьизабун, квералдалъун бугониги, рагIудалъун бугониги цоцазе, гIага-божаразе гуребги киназего, хасго захIматаб хIалалде ккаразе кумекалъе квер бегьейин абун. ХIурматиял вацал ва яцал!

Рамазан буго лъикIал гIамалазул, рацIцIалъиялъул, гурхIелрахIмуялъул ва сабруялъул моцI. Гьединлъидал, рачIа лъикIал ишал гьариялда тIадчIей гьабизе хIаракат бахъилин. Дица Аллагьасда гьарула гьаб захIматаб заманалда нижер рухIалгун ракIал щула гьарейин, нижер пикраби рацIцIад ва сах гьарейин унта-щокълъиялдаса ва сакъалъабаздаса.

Аллагьас кумек гьабеги киназего гьаб хирияб заман Аллагьасе гIибадат гьабиялда инабизе. Нилъеца ккураб кIал сабаблъун ккезабеги ккарал квешал ишаздаса рикIкIалъиялъе ва киналго мунагьаздаса рацIцIад гьариялъе. Жеги гьарула Аллагьасда Гьесул рахIмат-цIоб ва лъикIал ишал гIумруялде рахъинариялъе тавпикъгун къуват.

РачIа киназго цоцазе дугIа гьабилин нилъер ватIаналъе захIматал гьал къояз. Бихьизабилин цоцазда лъикIаб мисал, Аллагьас кьурал нигIматазе гьабилин шукруги. Аллагьас нилъее киназего сабру кьеги. Аллагьас цIунаги балагьаздаса тIолго МухIаммадил ﷺ уммат!

ХIУРМАТГУН, ДАГЪИСТАНАЛЪУЛ МУФТИ, ШАЙИХ АХIМАД-АФАНДИ

2026-04-15 (Зул къагIида 1447 с.) №8.


Казбекалъулазги гьабуна кумек

Казбек районалъул жамагIаталъ, цо сордо-къоялда жаниб, бажарараб кумек гьабуна тIабигIияб балагьалъул квачIикье ккарал Хасавюрт районалъул гIадамазе.  Гьединаб кумек гьабизе ккеялъул бицун цеве вахъана районалъул имамзабазул советалъул председатель ва гьес киналго ахIана бажарарас бажарараб...


Муфтияталда дандчIвана

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун.  Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...


Муфтияталъе баркала кьуна

Хасавюрт районалъул бетIерасул ишал тIуралев Багьавудин Мамаевгун дандчIвана «Инсан» фондалъул генералияв директор МухIаммад Мусаев, муфтиясул заместитель Насрула Абубакаров, рехсараб районалъулгун шагьаралъул волонтеразул централъул нухмалъулев Адам Нажмудинов. Гьез бицана тIабигIияб...