РахIматлъун витIун вуго

Бичасул Авараг ﷺ гьавиялда хурхун Дагъистаналъул муфти шайих Ахмад-афандиясул барки

ХIурматиял вацал ва яцал! РакI-ракIалъ баркула нужеда кинабниги гIаламалъего кIвар бугеб, жинда жанив халкъалъулго хирияв МухIаммад ﷺ авараг гьавураб къо.

Бичасул авараг ﷺ халкъалъухъе витIун вуго рахIматлъун, Гьев ﷺ вуго бищунго берцинал ва лъикIал тIабигIатал жиндир ругевлъун, кинабниги гIаламалъе жидер БетIергьан лъаялъе, бецIлъиялдаса канлъиялде нух рагьаравлъун.

Аллагьас жинцаго Гьев ﷺ кIодо гьавун Къуръаналда абуна: «Мун халкъалъе рахIматлъун витIун вуго», - ян (сура «Анбияъ» аят 107).

Цогидаб аяталда буго: «Мун вуго (авараг) тIадегIанаб, берцинаб тIабигIат бугев», - ян (сура «Къалам» аят 4).

Аллагьас нилъер ракIал цIезареги хирияв аварагасдехун ﷺ гIорхъи гьечIеб рокьиялъ. Гьесул ﷺ суннаталда нахърилълъине киназего тавпикъги кьеги.

Къиямасеб къоялъ Бичасул аварагасул ﷺ шафагIаталъе мустахIикъаллъунги гьареги киналго бусурбаби.

Дица Аллагьасда гьарула нижее рес кьейин хирияв аварагасде ﷺ гIемер салават битIизе, Гьесул ﷺ гIумру жеги лъикI лъазабизе ва Гьесул ﷺ суннаталда нахърилълъине.

Аллагьас цIунаги нилъер тIолабго ватIан киналниги балагьаздасан.

Гьарула киназего ракълилаб, питна-кьал дагьаб ва парахатаб гIумру.

2026-06-15 (МухIаррам 1448 с.) №12.

Узбекистаналъул Самаркъанд шагьаралда, имам Бухариясул цӀаралда бугеб халкъазда гьоркьосеб гIелмияб цӀех-рехалъул централде щвана ДРялъул гӀалимзабазул советалъул председателасул заместитель, гӀелмабазул доктор МухӀаммад КъахIиби. Централъул нухмалъиялъулгун букӀараб дандчӀваялда бицана рехсараб...

Нилъеца гьаб дунялалда гьабуралъул ахираталде босулелдасан буго гьабураб гIамал. Гьелъ, МухIаммад аварагасул ﷺ умматалдаса нилъги гьарун ругелъул, щивас пикру гьабуни рекъараб буго Аварагасул ﷺ гIамалалда релълъараб чан гIамалдай дица гьабулебин абураб жо. ХIадисалда буго инсанасул жаназа нухда...

Рогьалил как жамагIаталда бай ккола цIакъ хирияб гIибадат. Нилъеда лъала гьениб «Магьдина» цIалулеблъи. Гьелде кIвар кьечIогоги тола цо-цояз. КIиабилеб ракагIаталъул рукугIалдаса ворхидал, гьелъул тасбихI-дугIа цIалун хадуб «Магьдина»...

Щал аварагзабазухъе Аллагьас ﷻ тIахьал рещтIарал? Аллагьас ﷻ аварагзабазухъе рещтIарал тIахьазул къадар 104-ялде бахуна, гьезда гьоркьоса 100-яб буго гурараб кагътил мисалалда (свиток) рещтIараб. ХутIараб 4-яб ккола тIехь. Гьезул щибаб букIана цебе рещтIараб ритIухъ гьабулеб ва жидехъе рещтIунеб...

ДРялъул муфти, шайих АхӀмад-афандил «ЛъикӀал тIабигIатазул ах» абураб тӀехь буссинабуна татар мацIалде. Таржама гьабуна Апанаевская мажгиталъул имам, «Иман» басмаханаялъул директор, тарихиял гӀелмабазул кандидат Нияз-хӀазрат Сабировас. Татар мацӀалде буссинабураб тIехьалъул...

РахIматлъун витIун вуго