Хабалазда рацIцIалъи гьабуна
Шагьаралдаса росулъе щварав дун рузман къоялъ радал хабалазде, зияраталъ щвана. Хабалазул рагIалде щведал, гьениб гьабун батараб рацIцIа-ракъалъи бихьидал, черхалъе батIияб хIал лъугьана.
Росулъа гIемерисел гIадамалги гIатIиракьалде гочун, рехун тарал гIадин лъугьун рукIарал хабалазе рацIцIа-ракъалъи гьабун бугоан жидедаса Аллагь разилъаял яцал Хатиматицаги Хадижатицаги.
БетIергьанасул рахъалдасан кириги, хваразул ва чIагоязул рахъалдасан баркалаги бугеб лъикIаб хIалтIухъ гьел яцазе росдал жамагIаталъ гьарулеб буго чорхое сахлъиги халатаб гIумруги.
Аллагь разилъаги нужедаса, лъимал-хъизамаздаса рохунги хутIаги.
