Республикаялъулаб мавлид
Республикаялъулаб мавлид
ГIиса аварагасул цIаралда балеб бугеб РухIияб центаралда тIобитIана, МухIаммад авараг ﷺ кIодо гьавун, республикаялъулаб мавлид.
Гьелда гIахьаллъи гьабуна Дагъистаналъул батIи-батIиял шагьараздасагун росабалъа рачIарал бусурбабаз.
ГIалимзабаз бицана аварагасул ﷺ гIумруялъул, гьесул ﷺ букIараб берцинаб тIабигIаталъул ва киналго ахIана аварагасдаса ﷺ мисал босун хьвадизеги рукIа-рахъинеги.
Мавлид халатбахъана кIигониги сагIаталъ. Гьеб заманалда жаниб, мажлисалде рачIаразда гьоркьоб бикьана садакъа, тIоритIана къецал ва бергьаразе кьуна сайгъатал. Бищунго аслияб сайгъатин абуни букIана гIумраялде ине рес щолеб путевка.
