Аслияб гьумералде

Муфти дандчIвана ДРялъул бетIергун

Муфти дандчIвана ДРялъул бетIергун

Дагъистаналъул бетIер Сергей Меликов дандчIвана миллиял ишазул рахъалъ федералияб агентствоялъул нухмалъулев Игорь Бариновгун. Гьеб дандчIваялда гIахьаллъи гьабуна ДРялъул муфти, шайих АхIмад-афандицаги.

Гьез рорхана диназда гьоркьосел суалал ва тIадчIей гьабуна церегIанго къояз аэропорталда ккарал лъугьа-бахъиназда. Гьениб бицана Дагъистаналда диназда гьоркьоб кинаб бугониги дандеккей гьечIолъиялъул ва щибаб миллаталъул культурияб рахъ цебетIезабиялде кьолеб кIваралъул хIакъалъулъ.

Гьединго данделъиялда бицана МахIачхъалаялъулгун Каспийскиялъул гьоркьоб бакIалда балеб бугеб РухIияб централъулги хIакъалъулъ. Лъалеб букIахъе, гьеб базе байбихьана, муфтияталъул квербакъиялдалъун, 2015 соналда. Гьеб бакIалъ ккола 30 гектар ракьул ва гьелда гьоркьоб 25 гектаралда буго парк. Гьеб кинабгоги балеб буго халкъалъул кумекалдалъун.

Дагъистаналъул муфтияс бицухъе, гьабсагIаталдаги тIадран унел руго хIалтIаби ва 2024 соналда лъугIизе ккола аслиял хIалтIаби гьарун.

2026-04-15 (Зул къагIида 1447 с.) №8.


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...


Бахиллъиялъул зарал

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...


БацIадаб ниятгун

Муса аварагасул заманалда гIумру гьабун вукIана цо динияв чи. Гьес Аллагьасе гIибадат гьабулаан, рукъалъул тIохда гIемерал какал ралаан. Цо къоялъ гьесухъеги рачIун цояз бицана гъотIое гIадамаз сужда гьабулеб ахил хIакъалъулъ. Гьебги рагIун, гIащтIиги босун, гъветI къотIизе къасдгун къватIиве...


Дагъистаниязде хитIаб

ХIурматиял диналъул вацал ва яцал, Дагъистаналда бараб чвахунцIадалъ гьабураб къварилъи нилъее ккола иргадулаб хIалбихьилъун.   ТIоцебесеб иргаялда, гIезегIан чи махIрумлъана мина-карталдаса ва магIишаталдаса. Гьайгьай, гьебги ккола тIаде тIамураб хIалбихьилъун. КIиабизе, тIабигIияб...


Нилъехъ балагьун кьола къимат

Нилъер диналда ритIухълъи ккола цIакъ къимат бугел тIабигIатаздасан. Гьеб ккола инсанасе къимат кьолел жалазул бищун кIвар бугездасанги.   Гьеб ритIухълъиялъ жанире рачуна Аллагьасе ﷻ гIибадат гьабиялъулъ бацIцIалъи гIадал, цинги шаргIиял тIадкъаял тIубай гIадал, Аллагьасдехун бугеб...