Аслияб гьумералде

«Рохелалъ» рохалида тIобитIана

«Рохелалъ» рохалида тIобитIана

Исанасеб сезон лъугIизе танин абизе бегьула Шамил районалъул Къваниб росдада аскIоб бугеб «Рохел» абун цIар лъураб сах гьариялъулгун хIухьбахъиялъул лъималазул лагералъ. Гьеб лагералъе кьучI лъурав чиги ккола гьебго росулъа предприниматель Аминов МухIамад. Гьесул бажариялдалъун лагералда гIуцIун руго киналго шартIал ва абизе бегьула гьеб релълъунин шагьаралъул цо гьитIинаб бутIаялда. Гьенир руго пихъил, акациялъул, махил ва цогидалги гъутIби. Чаран-магIардаса бачун буго лъим. Буго лъабгониги лъел хIавуз.

Лагералде хIухьбахъи гьабизе рачIуна Дагъистаналъул киналго шагьараздасагун районаздаса лъималги.

Исанасеб сезон къаялде дандеккезабун, лагералда тIобитIана, Аминовасул призазе гIоло, лъим ххаялъул рахъалъ къецал. Турнир гIуцIун букIана райадминистрациялъул, «Шамил районалъул гIолилал» абураб жамгIияб гIуцIиялъул, АОО «АС Патриоты» гIуцIиялъул жигарчилъиялдалъун.

Къецал тIоритIана 17 сонил ригьалде рахинчIезда ва 17 соналдаса тIадехун аразда гьоркьор. Бергьаразе кьуна кубокалги, медалалги ва гIарцулал сайгъаталги.

Къецазда тIоцебесеб бакI ккуна Гьолокьа Халидшаев Халидшаца, кIиабилеб бакI – гьебго росулъа Халидшаев АхIмадица ва лъабабилел бакIал - лагералъул гIолилал МухIаммадов МухIаммадрасулицагун Асадулаев ХIажица.

Гьединго, лагералде рачIарал лъималазда малъула исламалъул аслабиги. Масала, исана шагьараздаса рачIарал 15 гIолиласда малъана как базе, гьеб рахъ камил гьабуна цогидазулги.

2026-04-15 (Зул къагIида 1447 с.) №8.


КIиябго рокъоб талихI щвела

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай.   ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...


Нужее баяналъе

«БисмиЛлагьалъул» чан хIарп бугеб? – 19. «ХIа» ва «Мим» - аздаса байбихьулел сураби чан ругел? – Анкьго. Щай гьезие ХIавамим абурал цIарал кьурал? – ХIа-мим абун Аллагьас ﷻ гьел сураби байбихьун рукIиналъ. Щал гьел...


Баркалаялъулаб кагъат

№23626 рагъулаб часталъул командованиялъ ДРялъул муфтияталъул пресс-хъулухъалъул цIаралда битIун бачIана Баркалаялъулаб кагъат. Рагъулал хъулухъчагIаз муфтияталъул пресс-хъулухъалъе баркала загьир гьабулеб буго рагъухъабазе гьабулеб квербакъиялъухъ, информациялъулаб кверчIваялъухъ ва рагъухъабазул...


БакI теларо

Нилъер гIумруялъулъ рукIуна гIадатияллъун рихьулел, амма Аллагьасда цебе кIудияб кIвар бугел жал. Гьединал, кIочон тарал суннатазул цояб ккола как балеб мехалда мухъал ритIизари. ГIемерисез гьеб кIвар кьечIого тола, гьеб битIахъего нилъер какил даражаялда ва гIадамазда гьоркьоб бугеб цолъиялда...


ХIурматиял лъимал!

Нужецаго рахъарал суратал, кучIдул ва цогидал жал гьаб номералде +7 988 458 16 63 ритIизе бегьула!         ГIабдулатIипова Хадижат, 7 сон, Кокрек росу. ГIабдулвахIидов МухаммадгIали, 10 сон, Краснооктябрьский росу. ГIабдулвахIидов Наби, 7 сон, Гъизляр...