«Лъимал ккола нилъер букIинесеб»
«Лъимал ккола нилъер букIинесеб»
«Лъимал ккола нилъер букIинесеб» абураб девизалда гъоркь, ЧIикIаб росулъ тIобитIана «Имамасда хадуб 40 рогьалил как» абураб тадбир.
Гьеб акциялъул хIасил гьабидал, I70 лъимаде щвана хIатIимашина (велосипед), гьединго 39-40 какде хьвадаразеги кьуна гIакъилал сагIтал. Цониги лъимер хутIичIо сайигъат щвечIебги, кинабниги букIана 90 сагIат. Гьеб акциялда гIахьаллъарал чIахIиязда гьоркьоб можоро рехун бергьана гIумраялде ине путевкаги.
ТIадбиралда гIахьаллъи гьабуна Буйнакск шагьаргун районалъул имамзабасул советалъул председатель ГIабдулла-хIажи Ацаевасгун заместитель ХIабиб Исраповасги.
Росдал имам МухIаммад ГьитIиновас баркала кьуна акциялда гIахьаллъи гьабуразе.
Тадбиралъул ахиралда росу бакьулъан цIиял хIатIимашинабиги рачун гьабуна велопробегги.
