Аслияб гьумералде

«Гъизилюрт шагьаралъул хIурматияв гражданин»

«Гъизилюрт шагьаралъул хIурматияв гражданин»

«Гъизилюрт шагьаралъул хIурматияв гражданин»

Гьединаб цIар кьуна ДРялъул муфти, шайих АхIмад-афандие ва гьеб цIар кьеялъе хIукму гьабуна шагьаралъул депутатазул собраниялъул анкьабилеб ахIиялъул 13-абилеб сессиялда.

Рехсараб шагьаралъул депутатазул собраниялъул председатель Насрула ХIасанбековас абуна муфтиясул хIаракатаб хIалтIул рехсезе ккеларин, гьеб киназдаго лъалин, амма хас гьабун Гъизилюрталъул хIурматияв гражданинлъун гьев рикIкIиналъе ккараб гIиллаялъул бицинин.

«Киназдаго ракIалде щвезабила, АхIмад-афандица динияб нух байбихьана гьаб шагьаралдасан. Улкаялъулги Дагъистаналъулги бусурбабазе захIматал соназ гьес нухмалъи гьабуна гьаниб букIараб исламияб институталъе. Гьес гIемераб хIалтIиги гьабуна Гъизилюрталда дин цебетIезабиялъе, гьаниб лъуна унго-унголъунги щулияб, рухIияб кьучI. Жакъа гьеб кьучIалда тIад бараб рухIияб минаги буго къалъ-къалъун», - ян абуна Н. ХIасанбековас.

2026-04-15 (Зул къагIида 1447 с.) №8.


ХIурматиял лъимал!

Нужецаго рахъарал суратал, кучIдул ва цогидал жал гьаб номералде +7 988 458 16 63 ритIизе бегьула!         ГIабдулатIипова Хадижат, 7 сон, Кокрек росу. ГIабдулвахIидов МухаммадгIали, 10 сон, Краснооктябрьский росу. ГIабдулвахIидов Наби, 7 сон, Гъизляр...


ХIажатазе кумек гьабула

БетIергьанас ﷻ халкъ бижун буго цоцазе кумек гьабулеллъун, ай цоцада жидер гIумруялъул шартIал хурхараллъун. Гьединлъидалин паризаяб закагIаталде тIаде суннатаб садакъа кьейги лъикIаблъун бихьизабун бугеб исламалда жаниб. Дагъистаналда руго гIезегIан гурхIел-рахIмуялъул фондал.  Гьезул аслияб...


Дин ккола насихIат

НасихIат босизе лъани, гIемерал пайдаби щола. ГIалимзабаз нилъее гIемераб хазинаги нахъе тана. ХIадисалда буго: «ГIалимзаби руго аварагзабазул ирсилал», - абун. Аварагзабаз жидедаса хадуб гIелму гурони щибго жо течIо, гьединго гIалимзабазги течIо гIелму гурони, хIатта гIумру кьуна...


КIиябго рокъоб талихI щвела

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай.   ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...