Аслияб гьумералде

БетIерас тIаде босана

БетIерас тIаде босана

МахIачхъалаялъул КIудияб мажгиталъул азбаралда чIвараб чодрохъе гIемерав чи вачIуна щибаб къойил кIал биччазе. Рамазан моцIалъул тIоцебесеб кIиго къоялъин абуни, кIал биччазе бокьаразе хIажатаб квен-тIехалъул масъала жиндего тIаде босун букIана Дагъистаналъул бетIер Сергей Меликовас.

Республикаялъул щибаб шагьаралдагун районалда ругел мажгитахъги санагIалъаби гьарун руго рамазан моцIалъ кIал биччазе бокьаразе. Аслияб куцалда гьеб хIалтIи тIубазабиялъул гIуцIарухъанлъун ккола «Инсан» фонд. Бищунго кIудияб чадирин абуни чIван буго тахшагьаралъул КIудияб мажгиталъул азбаралда. Гьениб щибаб сордойил кIал биччала чанго азарго чияс.

Рамазан моцIалъул тIоцебесеб кIиго къоялъ гьенир гьарулел харжал тIаде росана ДРялъул бетIерас. КIиабилеб къоялъ гьес жинцагоги гIахьаллъи гьабуна рехсараб тадбиралда. Гьеб къоялъ кIал биччазе гьенире рачIун рукIана ДРялъул муфти, шайих АхIмад-афанди, Россиялъул бусурбабазул рухIияб собраниялъул муфти Альбир Крганов ва Татарстаналъул муфти Камил Самигуллин.

 

2026-04-15 (Зул къагIида 1447 с.) №8.


СВОялъулал кIочон толаро

«Зебра» абураб спортивияб комплексалда тIобитIана гьабсагIаталда отпускалда ругел СВОялъул гIахьалчагIазе тадбир. Гьелъул хIаракатчагIилъунги церерахъана «Каспий» батальоналъул имамлъун вукIарав ва гьанже муфтияталъул северияб округалда вугев вакил МухIаммад Мукъошдибиров,...


Нилъехъ балагьун кьола къимат

Нилъер диналда ритIухълъи ккола цIакъ къимат бугел тIабигIатаздасан. Гьеб ккола инсанасе къимат кьолел жалазул бищун кIвар бугездасанги.   Гьеб ритIухълъиялъ жанире рачуна Аллагьасе ﷻ гIибадат гьабиялъулъ бацIцIалъи гIадал, цинги шаргIиял тIадкъаял тIубай гIадал, Аллагьасдехун бугеб...


Имам АбулхIасан АшгIариясул хIакъалъулъ тIехь

ДРялъул муфтияталъул гIелмияб отделалъ хIадур гьабун буго кIудияв имам АбулхIасан АшгIариясул гIумруялъул ва гIелмуялъул бицараб тIехь.  КватIичIого гьеб бачIине буго къватIибе ва гьелдаса пайда босизе бегьула бокьарав чияс, хасго студентаз, исламияб гIелму лъазабулез.


ГIелмиябгун практикияб конференция

«Консолидированные стратегии лечения ожирения. Мультидисциплинарный подход: от хирургии до реабилитации» абураб цIаралда гъоркь МахIачахъалаялда тIобитIана гIелмиябгун практикияб конференция. Гьелда гIахьаллъи гьабуна нилъер республикаялъул тахшагьаралъул №3 клиникияб больницаялъул...


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...