Исламияб дунял ва Россия чIужугIаданалъул кIвар

Дагъистаналъул гуманитарияб институталде щвезе рачIун рукIана Москваялда бугеб жугьутIазул культураялъул рахъ кколеб фондалъул вакилзаби ва гIалимзаби.

ДГИялъул ректор НухIкъади БахIмудкъадиевгун дандчIвана рехсараб фондалъул председатель Михаил Чернов, Европаялъул интеграциялъул масъалабазул рахъалъ централъул директор Юрий Шевцов, МГЛУялъул деструктологияб лабораториялъул гIелмияй хIалтIухъан Галина Хизриева ва Сибиралъул институталъул правлениялъул председатель Андраник Дереникьян.

Гьез бицана жиде-жидецаго гьабулеб хIалтIул хIакъалъулъ ва дандрана цадахъ рекъон гьаризе рес бугел суалал.