Аслияб гьумералде

Муфтияталъул кубокалъе гIоло

Муфтияталъул кубокалъе гIоло

Муфтияталъул кубокалъе гIоло

«Спорт – посол мира!» абураб ахIиялда гъоркь, ДРялъул муфтияталъул кубокалъе гIоло, тIобитIана мини-футболалъул рахъалъ республикаялъулаб турнир.

Финалалда гIахьаллъи гьабуна 16 командаялъ.

ТIоцебесеб бакIалъе мустахIикълъана ЦIияб Лак районалдаса команда. КIиабилеб бакI ккуна Хъумторхъала районалдаса командаялъ ва лъабабилеб бакI щвана Гъизилюртгун Казбек районазул командабазе.

ТIоцебесеб бакI ккураб командаялъе кьуна 100 000 гъурущ. КIиабилеб бакI ккуралъе - 50 000 гъурущ ва лъабабилеб бакIалъухъ - 25 000 гъурущ.

«Бищун лъикIав вратарь» абураб номинациялда бергьарасе кьуна 3000 гъурущ ва бищун лъикI хIарасе гьебго 3000 гъурущ.

2026-06-15 (МухIаррам 1448 с.) №12.


Суал-жаваб

Щал аварагзабазухъе Аллагьас ﷻ тIахьал рещтIарал? Аллагьас ﷻ аварагзабазухъе рещтIарал тIахьазул къадар 104-ялде бахуна, гьезда гьоркьоса 100-яб буго гурараб кагътил мисалалда (свиток) рещтIараб. ХутIараб 4-яб ккола тIехь. Гьезул щибаб букIана цебе рещтIараб ритIухъ гьабулеб ва жидехъе рещтIунеб...


Аварагасул ﷺ мажгиталда моцIрол игIтикафалдасаги хирияб

ХIурматиял диналъул вацалгун яцал. Халкъалъул жамгIият гIуцIун буго БетIергьанас цоцазда бараблъун, ай цоцазе кумек гьабиялда хурхинабун.    Хирияб Къуръаналъул аяталда буго (магIна): «Муъминал бихьиналги руччабиги цоцазе кумекчагӀи ва гьудулзаби руго. Гьез битӀараб жоялдалъун...


Лъимал цIуниялъул къоялде

Халкъазда гьоркьосеб лъималазул къо кӀодо гьабун, Каспийск шагьаралда тӀобитӀана «ЦӀуниялда бугеб лъимерлъиялъул канлъи» абураб рахӀмуялъул хъизаналъулаб рекӀин. Гьеб кӀудияб ва унго-унголъунги ракӀ хинлъизабулеб тадбиралда гӀахьаллъана I500-ялдаса цӀикӀкӀун чи — лъимал ва гьезул эбел-эмен. Байрам...


Бакъ: гьудулищ, тушманищ?

Хъизамалъул, рукъалъул ургъалабазул цӀураб заманалда руччабазда кӀочон тола жидерго тIалаб-агъаз гьабизе. Нилъер берцинлъиги сахлъиги ккола ТӀадегӀанав Аллагьасул сайгъат ва гьел цӀунизеги ккола.   Нилъер гӀумруялда жаниб кӀудияб бакӀ ккола бакъул нуралъ. Гьелъ кумек гьабула черхалъе, лугбал...


Муфтиясухъ гьоболлъухъ

Дагъистан Республикаялъул муфтияталда, муфти, шайих АхӀмад-афандияс къабул гьабуна Пачалихъияб Думаялъул регионалияб политикаялъул ва бакӀалъулаб нухмалъиялъул комитеталъул делегация. Гьеб делегация республикаялде бачӀун букIана бакӀалъулаб нухмалъиялъул къанунал гӀумруялде рахъинариялъул...