Футболистазги бихьизабула мисал
Катаралда тIобитIараб футболалъул рахъалъ дунялалъулго чемпионаталда загьирго бихьана Европаялда ва бусурбабазул дунялалда кинаб къагIидаялъ хъизамалдехун бербалагьи гьабулеб бугебали.
Масала, немцазул цо комментаторас кIвар буссинабуна Мароккоялъул футболистаз эбел-инсул ва хъизамалъул чагIазул адаб гьабулеб бугеб куцалде.
«Гьединал гьоркьорлъаби западалъул жамгIияталда гьечIо. Гьел церего тIагIана. Европаялда нилъеда бихьула футболистаз жидерго йокьулей кIодо гьаюлей, гьебго заманалда эбел-эменин абуни гьезул рукIуна херазул рукъзабахъе рехун. Мароккоялъул командаялъ гьединаб бергьенлъи босиги ккола хъизамалъулаб рахъкквей букIин. Европаялъин абуни рахъ кколеб буго гомосексуалазул», - ян бицана гьес.
Журналистас кIвар буссинабуна европаялъулаз бусурбабаздаса мисал босизе цебего заман щун букIиналде.
«Дида ракIалде ккола цо кидал бугониги нилъедаги бихьилин Европаялъул футболистазги жидерго эбел-инсул надалда къочулеб», - ян абураб пикруги загьир гьабуна немцазул журналистас.
