Сириялъул посолас баркала кьуна
Россиялда вугев Сириялъул посолас, гьеб улкаялъул гIадамазе дагъистанияз гьабураб кумекалъухъ баркала загьир гьабуна ДРялъул бетIер Сергей Меликовасе ва муфти, шайих АхIмад-афандие.
Сириялъул посол Башар аль-ЖагIфаргун Москваялда дандчIвана ДРялъул бетIерасул кумекчи МухIаммад ХIажимухIаммадов ва «Инсан» фондалъул генералияв директор МухIаммадрасул МухIаммадов.
Ракьбагъариялъул хIасилалда кIудияб зарал ккараб Сириялъул халкъалъе бажарараб кумек гьабуна дагъистанияз. Масала, «Инсан» фондалъ бакIарана 31 миллион гъурущ ва С. Меликовасул хIаракаталдалъун - 60 тонн батIи-батIияб къайи-цIаялъул, дарабазул ва цогидалъулги.
