Дагъистаналъул муфти дандчIвана
Дагъистаналъул гIалимзабазул советалъул председатель, муфти, шайих АхIмад-афандил гIахьаллъигун тIобитIана республикаялъул округазда ругел муфтияталъул хасал вакизабазул данделъи.
Гьел вакилзабаз гьабулеб хIалтIи буго цIакъго кIудияб. Гьезул нухмалъиялда гъоркь хIалтIула росабазул имамзабиги. Бищунго аслияб жо, гьезие кIвар бугеб ишлъун ккола рухIияв цевехъанасул гIакълу, насихIат ва гьеб мурадалда тIоритIула гьединал данделъабиги.
Иргадулаб дандчIваялда муфтияталъул вакилзабаз бицана гьабулеб ва гьабизе бугеб хIалтIул, цо-цо бакIазда тасдикъ гьарурал имамзабазул хIакъалъулъ, ралел ва къачIалел ругел мажгитазул.
Данделъиялда гIахьаллъи гьабуна муфтияталъул председатель ГIабдулла Салимовас ва муфтиясул заместитель МухIаммад Мангуевас.
