Цолъизариялъулаб данделъи

14 маялда Ленинкенталда бугеб «Версавия» абураб залалда муфтияталъул руччабазул лъай тIибитIизабиялъул отделалъ тIобитIана гьеб посёлокалъул руччабазе гIуцIараб гIелмияб мажлис. Гьениб рорхана нилъер заманалда чара гьечIого лъазе кколел суалал, аятаздалъун, хIадисаздалъун, берцинал насихIатаздалъун, рекIелъе рортулел къисабаздалъун гIемерал масъалабиги мухIкан гьаруна.

Рехсараб отделалъул нухмалъулей Ирина ГIалиевалъ бицана бусурбаби цолъиялъул бугеб кIваралъул. Гьединго отделалъул хIалтIухъан Аслипат Ганаматовалъ хъизамалда жаниб кинаб гьоркьоблъи букIине кколебали, цоцазе кин квербакъи, кумек гьабизе рекъон букIунебали, гьитIинаб жоялъухъцин баркала загьир гьабиялъулъ рос-лъадиялъе бугеб пайдаялъул бицана.

ГIабдулхIамид Юсуповасул цIаралда бугеб школалъул цIалдохъабаз мавлидал ахIана, Аварагасул ﷺ гIумруялъул тарих ракIалде щвезабуна.

ГIисиналгун чIахIиязе батIи-батIиял суалал кьун, викторина тIобитIана, битIун жавабал кьурал сайгъатаздалъун рохизеги гьаруна.

Хадижат Хизриева

2026-06-15 (МухIаррам 1448 с.) №12.

Садакъа ккола бищун лъикIал гIамалазул цояб. Гьеб кьеялдалъун инсан ТIадегIанав Аллагьасде гIагарлъула ва дунялалдаги ахираталдаги кири щола. Аварагас ﷺ абуна: «Бащдаб чамасдакIалдалъунгIаги цIуне цIаялдаса», - ян. ЧамасдакIалъул гьитIинабго кесекалъ чи жужахIалъул цIаялдаса хвасар...

МухIаммад авараг ﷺ ккола ТIадегIанав Аллагьас ﷻ тIаса вищарав ва бищунго Гьесие вокьулев авараг. Гьев ﷺ вуго Къиямасеб къоялъ инсанияталъулго сайид. Киналго аварагзабаз Къиямасеб къоялъ, хIатта кIудиял аварагзабазцин гьесухъе айилан абула. Гьев вуго Къиямасеб къоялъ киназего шафагIат гьабулев...

ХIурматиял бусурбаби. Гьале исанаги байбихьана нилъер гьитIичазе Дагъистаналъул киналго мажгитазда риидалил курсал. Дицаго рикIкIуна лъималазул эбел-инсуе гьеб кIудияб талихIлъун. Балагьеха гьанже, щивав эбел-эмен жиде-жидер лъимергун рокъор хIалтIизе ккун рукIаралани кигIан захIмат...

ДРялъул муфтияталда тӀоби-тӀана Дагъистаналъул Росдал магӀишаталъул ва кванил нигӀматазул министерствоялъул вакилзабазулгун данделъи. Гьениб бицана гIи-боцӀул къадар гӀемер гьабизе ккеялъул ва гьеб гӀезабиялъул рахъалъ цадахъаб хӀалтӀи гьабиялъул хIакъалъулъ, гьединго, базаразда хӀалалаб гьан...

Аллагьас ﷻ, Жиндирго рахIма-талдалъун, сапаралъ унел бусурбабазе ахIвал-хIал бигьа гьабуна. Гьединлъидал, сапаралъ унев чиясе изну кьола цо-цо бигьалъабаздаса пайда босизе. Гьел бигьалъабазда гъорлъ руго ункъо ракагIаталъул какал кIигоялде къокъ гьари, гьединго кIиго как цоцаде тIаде...

Цолъизариялъулаб данделъи