Муфтияс гӀахьаллъи гьабуна
Шималияб Кавказалъул диниял идарабазул вакилзабазулгун данделъи тIобитIана МВДялъул бетIераб управлениялъул нухмалъулез. Гьелда гIахьаллъи гьабуна республикаялъул муфти, шайих АхIмад-афандицаги.
Данделъи тӀобитӀана полициялъул генерал-полковник Сергей Бачуриница. Гьединго, гӀахьаллъана экстремизмалде данде къеркьолеб централъул хӀалтӀухъаби ва регионалъул аслиял диназул вакилзаби.
Данделъиялъул гӀахьалчагӀаз хӀукму гьабуна цадахъ рекъон хӀалтӀизе ва хӀалтӀул хасаб къокъа гӀуцӀизе, гражданияб жамгӀияталъул парахалъи цIуниялъул, терактал ккечӀого рукӀиналъул мурадалда.
Гьениб Дагъистаналъул муфти, шайих АхӀмад-афанди мустахӀикълъана Россиялъул Жанисел ишазул министерствоялъул Северияб Кавказалъул федералияб округалъул бетӀераб идараялъул рахъалдасан медалалъе, рухӀиял гӀадатал ва диназда гьоркьосеб рекъел щула гьабиялъулъ лъураб кӀудияб бутӀаялъухъ, жамгӀияб хӀалтӀулъ бихьизабулеб жигараб хIалтIухъ.
