ЦIунтIа районалъул ва БежтIа участокалъул цадахъаб ифтар

МахIачхъалаялда, ГIиса аварагасул цIаралда бугеб РухIияб централда, тIобитIана ЦIунтIа районалъул ва БежтIа участокалъул жамагIатазул вакилзабаз гIуцIараб цадахъаб ифтар.

Гьелда гIахьаллъи гьабуна ЦIунтIа районалъул бетIерасул ишал тIуралев АхIмад ХIамзатовас, районалъул имамзабазул советалъул председатель Халидшагь МухIаммадовас, БежтIа участокалъул бетIер Шамил Арадаховас, машгьурал гIалимзабаз, гIелмиялгун жамгIиял вакилзабаз.

КIалъазе рахъараз бицана рамазан моцIалъул хиралъиялъул, БетIергьанасе гIибадат гьабиялъулъ кIарчанлъи биччазе бегьулареблъиялъул ва хадубккунги лъикIал ишал гьаризе гIедегIине тIадаб букIиналъул хIакъалъулъ.

АхIана нашидал, тIоритIана батIи-батIиял къецал ва можоро рехана гIумраялде ине изну кьолеб путевка щвеялъе.