ТIаса Инхоб тIобитIана мажлис
ТIаса Инхоб тIобитIана мажлис
Гьеб баракатаб мажлисалда гIахьаллъи гьабуна ГIумбет районалъул имамзабазул советалъул председатель ГIабдула Ибрагьимхановас, росабазул имамзабаз, диниял хIаракатчагIаз. Гьединго мажлисалда гIахьаллъизе рачIун рукIана ДРялъул Миллияб политикаялъул ва диниял ишазул рахъалъ министерствоялъул отделалъул начальник МухIаммад МухIаммадов, районалъул депутатазул собраниялъул председатель Мухтар АхIмадов, ЦIияб Чуртахъ росдал имам Къурбандибир ГIумарасхIабов, тохтур ХIабиб МухIаммадов, магIарул мацIалда къватIибе биччалеб «Ас-саламалъул» редактор ГIабдула МухIаммадов.
Гьенибго тIобитIана лъималазда гьоркьоб «Благонравие праведников» абураб тIехьалда тIасан лъазабун букIараб къецалъул хIасилалги. Гьелъул хIасилалда, тIоцебесеб бакI щвана Мансурова ПатIиматие (ТIаса Инхо); кIиабилеб бакI – ИсмагIилова Сайгибатие (Аргъвани); лъабабилеб бакI – МаламухIаммадова ПатIиматие (ТIаса Инхо).
Бергьаразе кьуна шапакъатал ва гIарцулал сайгъатал. Масала, тIоцебесеб бакI ккуразе - 30 азарго гъурущ, кIиабилеб бакIалъухъ - 20 азарго гъурущ ва лъабабилеб бакIалъухъ - 10 азарго гъурущ.
