«РакIалдещвеялъул ах»
«РакIалдещвеялъул ах»
Украинаялда унеб СВОялда хварал ракьцоял ракIалде щвезариялъул мурадалда, Шамил районалда рагьана «РакIалдещвеялъул ах».
Гьеб тадбиралда гIахьаллъи гьабуна районалъул бетIер М. ХIасановас, ДРялъул рохьил магIишаталъул комитеталъул председатель В. ГIабдулхIамидовас, ДРялъул бетIерасул контролияб управлениялъул начальник Т. Шабановас, районалъул имамзабазул советалъул председатель ГIизудин ГьитIиножоевас ва гIемерал цогидазги.
Гьениб тIаде рачIарал гьалбадерица баркала загьир гьабуна бахIарчиял васал гIезарурал умумузе ва гьединаб тадбир гIуцIаразе.
Тадбиралда кIалъана СВОялда хварав рагъухъанасул яц Лабазанова ПатIимат, СВОялъул гIахьалчи ХIадисов Умарбек ва ХIебда росдал школалъул цIалдохъан А. ХIасанова.
