Турнир тIобитIана
КӀитӀури росулъ тӀобитӀана бакӀалъулав машгьурав доктор ва профессор МухIаммад ТIалхIатовасул цIаралда волейбол хIаялъул турнир.
Шаитли росдал администрациялъ гӀуцӀараб гьеб тадбир букӀана гӀолилазда гьоркьоб мекъаб идеология бижичIого букIиналъул программаялда гъоркь. Жеги турниралъул мурад букӀана гӀун бачӀунеб гӀелалда жаниб берцинал тIабигIаталгун бусурбабазулал рукIа-рахъинал цIуни.
Турниралда гIахьаллъи гьабуна районалъул бетӀерасул жамгӀияб хӀинкъигьечӀолъи цӀуниялъул рахъалъ заместитель МухIаммад Къурбановас, ЖамгӀияб палатаялъул председатель Сахратула Гъазиевас, ДРялъул Муфтияталъул ЦӀунтӀа районалда бугеб рухIияб лъай кьеялъул отделалъул нухмалъулев МухӀаммад ГӀабдулгIазизовас, росабазул бегавулаз, школабазул хIалтIухъазгун районалъул жамагIатаз.
«Терроризм ккола жамгӀия-талъул букӀинесеб хвезабулеб квешлъи. Гьелда данде къеркьезе кӀола гӀицӀго лъайгун тарбия кьеялдалъун», - ин абуна жиндир кIалъаялда МухIаммад Къурбановас.
Турниралда бергьаразе кьуна гӀарцулал сайгъатал, медалал ва хӀурматалъулал грамотаби.
