Аслияб гьумералде

ГIиракъалдаса рачIарал дандчIвана муфтигун

ГIиракъалдаса рачIарал дандчIвана муфтигун

ГIиракъалдаса рачIарал дандчIвана муфтигун

Дагъистаналде рачIине ва республикаялъул муфтигун дандчIвазе цIакъ бокьун букIана ГIабдулкъадир Жиланиясул ирсилазе, ГIиракъалдаса диниял хIаракатчагIазе. Ва, дагьал церегIан къоязда, гьезул гьеб анищ тIубана.

Дагъистаналъул муфти, шайих АхIмад-афандихъе гьоболлъухъ рачIун рукIана гьел ва бицана жал цIакъ рохарал ругин тасаввуфалъул хIакъикъияв устаргун дандчIвазе рес щвеялдаса. Гьалбадерида цадахъ вукIана Волгоград областалъул муфти Бата КифахI МухIаммадги.

ГIиракъалъул су-ннитазул вакъфаялъул тIадегIанаб советалъул член, доктор МухIаммаднури Жасемица баркала загьир гьабуна муфтиясе ва бицана ГIиракъалъулги Россиялъулги лъикIал гьоркьорлъаби рукIиналдаса жал цIакъ рохарал ругин абун. ТIадеги жубана, жидее цIакъ бокьун букIанила тIарикъаталъул агьлуялъулгун лъай-хъвай гьабизеги дандчIвай тIобитIизеги.

Ахиралда, ГIиракъалъул бусурбабазе, шайих АхIмад-афандица гьабуна дугIаги.

2026-08-15 (РабигIул аввал 1448 с.) №16.


КигIан лъикI букIинаан…

Гьале тIаде щолеб буго хирияв МухӀамад ﷺ аварагасул моцӀ ва жиндилъ гьев гьавураб моцӀ. КигӀан лъикӀаб букӀинаан нилъее гьеб моцӀ цогидал моцӀаздаса цӀикӀкӀун хӀаракат бахъани гьесул гӀумруялъул, биографиялъул лъазабуни. Гьединлъидал жакъа байбихье гьал мухъаздасан.   Аварагасул ﷺ берцинаб...


Какда хадуб зикру ва дугIа

ТIадегIанав Аллагьасде гIагарлъиялъе бищун кIудиял нухазул цояб ккола зикру - Аллагь рехсей. Гьелъ муъминчиясул ракI чIаго гьабула, такъва щула гьабула, БетIергьанасулгун бухьен цIунизе кумек гьабула. Аллагьасул Аварагас ﷺ бусурбабазда малъана зикруялъул батIи-батIиял формаби ва бихьизабуна Аллагь...


Нухазда рацIцIалъи чIезабулев

ХIурматияб «Ас-салам» газеталъул редакция! Газета гьоркьобккун нижее, Шамил районалъул ТIаса Колоб росдал гIадамазе, бокьун буго баркалаялъул калам загьир гьабизе Микьигьориса ХIасанил МухIаммадие.   МухIаммадица тIаде босун буго нижер росабалъе рачIунел нухазул тIалаб-агъаз...


ГIаламалъего рахIмат

Дунял бижаралдаса нахъе ТIадегIанав Аллагьас ﷻ цониги инсан вижичIо, хирияв МухIаммад аварагасул ﷺ гIадин халкъалъ жиндир гIумру рагIа-ракьанде щун лъазеги гьабурав, халкъалда гьоркьоб гьеб тIибитIизеги гьабурав. Хирияв Авараг ﷺ ТIадегIанав Аллагьас ﷻ, халкъалдаго тIаса вищарав вуго. АсхIабазабаз...


ЩайтIан хIалакъ гьабулеб

Аллагьасул ﷻ цIаралдалъун щибаб жо байбихьи буго гIамалалъулъ икъбал ккеялъе аслу.  Къиматаб рагӀи цӀалула лъикӀаб жо гьабилалде цебе. «Бисмиллагь» бахъи рекъараб буго кваналалде, кьижилалде, ретӀел ретӀиналде, Къуръан цӀализе, какичури гьабизе, диниял тӀахьал цӀали гIадал ишал...