«Инсаналъ» хIасилал гьаруна

«Инсаналъ» хIасилал гьаруна

«Инсаналъ» хIасилал гьаруна

МахIачхъалаялда, ГIурус театралъул минаялъуб тIобитIана «Инсан» фондалъ лъагIалил хIасилал гьарураб данделъи.

Гьениб бицана 2024 соналъ фондалъ гьабураб кумекалъул. Масала, 548 чиясе гьабуна, 121 153 968 гъурщиде медицинаялъулаб кумек; 92 хъизамалъе бана 40 275 182 гъурущ гIарацги харж гьабун минаби; Курск областалъул гIадамазе - 1 152 657 гъурщиде, Оренбург областалъулазе - 579 630 гъурщиде кумек.

Гуманитарияб къайи къоноялъул 30 тонна битIана Донецк республикаялъул ва Луганск халкъияб республикаялъул гIадамазе бикьизе.

Волонтёразул кумекалдалъун кванил нигIматал щвезаруна Херсон областалъул харабазе, инвалидазе ва ресукъазе.

Гьединго фондалъ кумек гьабуна палестинаялъулазе (14 197 940 гъурущ); ливаналъулазе (2 385 926 гъурущ). Гьенибе щвезабуна 20 черолеб машина, 100 газалъул печь, 1000 одеял ва 1000 къаданижо.

ГIамм гьабун босани, исана соналда жаниб къварилъиялде ккаразе фондалъ гьабун буго 215 азарго чиясе (375 000 000 гъурущ) кумек.