Муфтияталда хIасилал гьаруна
Муфтияталда хIасилал гьаруна
ДРялъул муфтиясул заместитель Насрулла Абубакаровасул нухмалъиялда гъоркь тIобитIараб данделъиялда гIахьаллъи гьабуна Къуръан рекIехъе лъазабиялъул централъул мугIалимзабаз.
Гьениб бицана гъоркьиса гьабураб хIалтIул, ккарал хIасилазул хIакъалъулъ ва тIадчIей гьабуна исана церелъурал масъалаби тIуразаризе ккеялда.
Рехсараб данделъиялда мугIалимзабаз хасаб кIвар буссинабуна цIалдохъабазе тарбия кьеялъул суалалдеги. Лъай кьеялдаго цадахъ цIалдохъабазда тарбияги адабги малъизе кколин абураб магIнаялъулал кIалъаялги гьаруна гьез.
