Дагъистаналъул муфтияс баркана
Дагъистаналъул муфтияс баркана
Дрялъул муфти, шайих Ах1мад-афандица, СалахI-хIажи Межиевасда баркана КЦМСКалъул председательлъун вищи.
«Ассаламу гIалайкум ва рахIматуллагьи ва баракатугьу, хIурматияв вац СалахI-хIажи!
РакI-ракIал баркула дуда Северияб Кавказалъул бусурбабазул координациялъулаб централъул нухмалъулевлъун вищи. Нижеда лъала ислам цебетIезабиялъул нухда дуца гьабулеб бугеб къимат тIокIаб хIалтIи ва лъала мун гIакъилав, сабурав, уммат цолъизабиялъул мурадалда гIетI тIун хIалтIи гьабулев чи вукIин.
Гьеб хъулухъалде мун вищи – гьеб буго дуде гьабураб кIудияб божилъи ва божарал руго дур нухмалъиялда гъоркь нилъер регион жеги цебетIезе букIиналда.
Аллагьас дуе сахлъиги икъбалги кьеги тIаде босараб иш тIубазабиялъе. Ниж киналго руго дуда цадахъ ва хIадурал руго дур хIалтIуе бажарараб кумек гьабизеги цадахъ рекъон хIалтIизеги», - ян хъвалеб буго муфтияс гьабураб баркиялда.
