25 сон ун хадуб…
25 сон ун хадуб…
1999 соналда Болъихъ ккарал лъугьа-бахъиназда рухIиял церехъабазул букIараб кIваралъул бицараб республикаялъулаб конференция тIобитIана Болъихъ росулъ.
Халкъазда гьоркьосел хъачагъазда тIад бергьенлъи босаралдаса 25 сон иналда бан тIобитIараб гьеб данделъиялда бицана дагъистанияз Дагъистан гуребги тIолабго Россияго цIуниялъул мурадалда бихьизабураб бахIарчилъиялъул хIакъалъулъ.
Конференциялда гIахьаллъи гьабуна ДРялъул муфтиясул заместитель ГIабдула Салимовас ва муфтияталъул мугIрузулаб округалда вугев вакил ГIалиасхIаб Разакъовас.
Гьез бицана доб заманалда гIадатияб халкъалъ бихьизабураб бахIарчилъиялъул хIакъалъулъ ва хIакъикъияб исламалъулги хъачагъазул мурадазулги щибго гьоркьоблъи букIинчIолъиялъул.
