Аслияб гьумералде

ДРялъул муфти дандчӀвана бахӀарзалгун

ДРялъул муфти дандчӀвана бахӀарзалгун

Дагъистан республикаялъул муфти, шайих АхӀмад-афанди дандчӀвана къварилъиялде ккаразе кумек гьабизе гӀедегIарал гIолохъабигун.

Дагьалъ цебе МахӀачхъалаялда ккана талихIкъосараб лъугьа-бахъин. Машина бортун букӀана Октябралъул революциялъул цIаралда бугеб каналалъубе (КОР).

Гьелда рекIун рукIарал хвасар гьаризе рортана гьеб бакIалда аскIосан унел рукIарал гIолохъаби ва жидеего бугеб хIинкъиялъухъ балагьичIого, гьез хвасарги гьаруна машинаялда рекIун рукIарал.

Гьел бахӀарзазде хитӀаб гьабулаго, шайих АхӀмад-афандица тӀадчӀей гьабуна гьезул бахӀарчилъиялда, бицана кире кканиги ва кинаб хIалалда ругониги бусурбабаз цоцазе кумек гьабизе кколеблъиялъул.

Муфтияс баркала загьир гьабуна гӀолохъабазе ва гьарана икъбалгун талихIаб гIумру.

2026-04-15 (Зул къагIида 1447 с.) №8.


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...


Дагъистаниязде хитIаб

ХIурматиял диналъул вацал ва яцал, Дагъистаналда бараб чвахунцIадалъ гьабураб къварилъи нилъее ккола иргадулаб хIалбихьилъун.   ТIоцебесеб иргаялда, гIезегIан чи махIрумлъана мина-карталдаса ва магIишаталдаса. Гьайгьай, гьебги ккола тIаде тIамураб хIалбихьилъун. КIиабизе, тIабигIияб...


Баркалаялъулаб кагъат

№23626 рагъулаб часталъул командованиялъ ДРялъул муфтияталъул пресс-хъулухъалъул цIаралда битIун бачIана Баркалаялъулаб кагъат. Рагъулал хъулухъчагIаз муфтияталъул пресс-хъулухъалъе баркала загьир гьабулеб буго рагъухъабазе гьабулеб квербакъиялъухъ, информациялъулаб кверчIваялъухъ ва рагъухъабазул...


ГIелмиябгун практикияб конференция

«Консолидированные стратегии лечения ожирения. Мультидисциплинарный подход: от хирургии до реабилитации» абураб цIаралда гъоркь МахIачахъалаялда тIобитIана гIелмиябгун практикияб конференция. Гьелда гIахьаллъи гьабуна нилъер республикаялъул тахшагьаралъул №3 клиникияб больницаялъул...


Суал-жаваб

Гамида рекIун сапар гьабулев чиясул сапар киб байбихьулеб? Шагьар бугони ралъдал рагӀалда бугеб, ракьалдасан гьенире щвезегIан рекIун ине кколелги гьечIони ва гамидал ралъдал рагӀалде бачIинеги кIолеб бугони, сапаралъул байбилъун лъугьуна (гьес как къокъ гьабизе ва тIаде росун разе гIадал...