«Инсаналъ» ливаналъулазеги гьабуна кумек
«Инсаналъ» ливаналъулазеги гьабуна кумек
«Инсан» фондалъул вакил щвана Ливаналъул Баржа шагьаралде. ГьабсагIаталда гьенив вуго, гIизраилалъулаз рагъ гьабиялда бан, лъутизе ккарав 26 азарго чи.
Гьайгьай гьениб буго цIакъ захIматаб ахIвал-хIал. ГIемерав чи хутIун вуго жанире руссине рукъзал гьечIого.
Фондалъул вакилзаби щвана гьезухъе, балагьана гьениб бугеб хIалалъухъ ва бихьана лъутун рачIаразе бугеб къварилъи. Гьеб кинабгоги хIисабалде босун, фондалъ гьениб бикьана кIиазарго одеялгун къаданижо, газалъул 100 печь ва ретIел чурулеб 20 машина.
Ливаналъулазе кумек гьабизелъун фондалъ лъазабун букIана гIарац бакIарулеб бугин абун. Ва къокъабго заманалда жаниб бакIарана кIиго миллионалдасаги цIикIкIун гъурущ.
